1501. fundur bæjarráðs Grindavíkur haldinn í bæjarstjórnarsal, þriðjudaginn 4. desember 2018 og hófst hann kl. 17:00.
Fundinn sátu:
Hjálmar Hallgrímsson, formaður, Sigurður Óli Þórleifsson, varaformaður, Helga Dís Jakobsdóttir, aðalmaður, Páll Valur Björnsson, áheyrnarfulltrúi og Hallfríður G Hólmgrímsdóttir, áheyrnarfulltrúi.
Einnig sátu fundinn:
Jón Þórisson, sviðsstjóri fjármála- og stjórnsýslusviðs og Fannar Jónasson, bæjarstjóri.
Fundargerð ritaði: Jón Þórisson, sviðsstjóri fjármála- og stjórnsýslusviðs.
Dagskrá:
1. Knattspyrnudeild UMFG - beiðni um styrk til fasteignakaupa - 1811058
Til fundarins voru mættir frá knattspyrnudeild UMFG Gunnar Már Gunnarsson og Haukur Guðberg Einarsson.
Bæjarráð óskar eftir að knattspyrnudeildin ræði við aðalstjórn UMFG um erindið.
2. Fjárhagsaðstoð - Grunnur 2019 - 1810059
Félagsmálanefnd samþykkir breytingu á grunnfjárhæð fjárhagsaðstoðar, þ.e. hækkun úr kr. 135.000 í 150.000. Ekki þörf á breytingum á fjárhagsáætlun 2019 gangi tillagan eftir.
Bæjarráð leggur til við bæjarstjórn að samþykkja tillögu félagsmálanefndar.
3. Upplýsinga- og markaðsfulltrúi - 1810021
Kristín María Birgisdóttir hefur verið ráðin upplýsinga- og markaðsfulltrúi Grindavíkurbæjar.
4. Túngata 15-17: Ósk um viðauka - 1812001
Lögð fram ósk um viðauka vegna starfsemi Túngötu 15-17, að upphæð 3.280.823.
Bæjarráð leggur til við bæjarstjórn að samþykkja viðaukann og að hann verði fjármagnaður með lækkun á handbæru fé.
5. Slökkvilið Grindavíkur - Samantekt og áætlun um eldvarnaeftirlit - 1812005
Slökkviliðsstjóri óskar eftir 340.000 kr. viðauka við fjárhagsáætlun 2018 til að greiða fyrir aðkeypta þjónustu vegna eldvarnareftirlits sem ljúka á fyrir nk. áramót.
Bæjarráð leggur til við bæjarstjórn að samþykkja viðaukann og að hann verði fjármagnaður með lækkun á handbæru fé.
6. Sjómannagarður: útikennslusvæði. - 1608002
Erindið er lagt fyrir að beiðni Hallfríðar G. Hólmgrímsdóttur bæjarfulltrúa.
Bæjarráð óskar eftir upplýsingum frá sviðsstjóra félagsþjónustu- og fræðslusviðs um notkun á útikennslusvæðinu.
Jafnframt vísar bæjarráð málinu til umfjöllunar í umhverfis- og ferðamálanefnd.
7. Frágangur við Hópið - sandfok af plani - 1812002
Erindið er lagt fyrir að beiðni Hallfríðar G. Hólmgrímsdóttur bæjarfulltrúa.
Bæjarráð felur sviðsstjóra skipulags- og umhverfissviðs að skoða hvort hægt sé að malbika bílastæðið að hluta á árinu 2019.
8. Computer Vision ehf - Myndavélakerfi - 1811090
Computer Vision ehf býður myndavélakerfi sem greinir umferð bifreiða.
Bæjarráð felur bæjarstjóra að óska eftir kynningu á möguleikum kerfisins og kostnaði.
Fleira ekki gert. Fundi slitið kl. 18:30.