Ungmennaráðsfundur  nr. 30

Haldinn í félagsmiðstöðinni Þrumunni þann 11. október 2017 kl. 17.00.
Mættir: Kolbrún, Karín, Ingi, Dagur, Gulli, Birta og Viktor.

Dagskrá:

•    Ungmennaþing
Ungmennaþingið verður haldið í febrúar. Það á að bjóða öllum ungmennaráðum í Suðurkjördæmi. Þemað er umferðaröryggi ungs fólks. Karín ætlar að tala við Slysavarnarfélagið um verkefnið þeirra Vertu snjall undir stýri. Kolbrún ætlar að tala við Höldum fókus. Ráðið vill hafa skyndihjálpakennslu og eitthvað erindi frá ökuskólanum á þinginu. Ráðinu langar að hafa þingið frá hádegi á föstudegi til seinnipart laugardags. Ungmennaráðið hefur áhuga á að hafa þingið í Hópsskóla og gista þar líka. Tala á við Papa‘s eða Láka á Salthúsinu varðandi kvöldmatinn. Það á að bjóða öðrum ungmennaráðum í endaðan desember/byrjun janúar. 

•    Ungmennagarðurinn
Sigríður Etna og Karín hafa ekkert heyrt varðandi tillögu ungmennaráðs um að fá hoppubelg/ærslabelg í ungmennagarðinn. Ákveðið var að ræða betur um málið við bæjarstjórnina á sameiginlegum fundi í nóvember. 

•    Bæjarstjórnarfundur í nóvember 2017
Ungmennaráðið tók ákvörðun um að boða bæjarstjórnina á fund í nóvember. Halda á fundinn uppá bæjarstjórnarskrifstofu. Þar ætlar ráðið að segja frá hugmynd sinni um ungmennaþingið og lesa upp þrjár nýjar tillögur. 

•    Önnur mál
Kolbrún og Ingi Steinn töluðu um að búa til tillögu til bæjarstjórnar Grindavíkur varðandi Víkurbrautina, en vegurinn nálægt Nettó og verslunarmiðstöðinni er orðin mjög lélegur. 
Ingi Steinn lýsti yfir áhuga sínum á að hafa einhver opin hús fyrir ungmenni á aldrinum 16-25 ára hér í Grindavíkurbæ. Ráðinu fannst upplagt að hafa opið hús fyrir þennan aldurshóp annað  hvert fimmtudagskvöld í félagsmiðstöðinni Þrumunni. Ákveðið var að búa til tillögu til að senda á bæjarstjórn. 
Viktor talaði um að það væri orðinn mikill áhugi hjá unglingum í Grindavík fyrir hjólabrettum. Hann sagði að á kvöldin væri hjólabrettasvæðið við Hópskóla alveg sprungið. Ákveðið var að búa til tillögu og biðja um betra og stærra svæði fyrir hjólabrettaáhugamenn.

Fundi slitið 18.50

• Síðast uppfært: 9. október 2018