Troðfull dagskrá Sjóarans síkáta í dag

• Sjóarinn síkáti
• 3. júní 2018

Framundan er smekkfullur dagur af glæsilegri dagskrá á Sjóaranum síkáta og mætti segja að öllu verði tjaldað til í dag og langt fram á nótt. Dagskráin við hátíðarsviðið hefst kl. 14:00 og í kvöld kl. 20:00 verða stórtónleikar sviðinu þar sem margir af ástsælustu tónlistarmönnum þjóðarinnar koma fram.

Frá 20:00 til 21:00 munu ungir rapparar hafa sviðið til umráða en frá kl. 21:00 verða Bryggjutónleikar þar sem stórskotaliði íslenskra tónlistarmanna mun koma fram. Enginn ætti að láta þessa tónleika fram hjá sér fara, en það er frítt inn á tónleika. 

Fyrir þá sem hafa enn ekki fengið nóg af glaumi og gleði að tónleikunum loknum þá verður stórdansleikur í íþróttahúsinu frá kl. 23:30 og langt fram á nótt.

Dagskrá Sjóarans síkáta laugardaginn 2. júní

09:00-18:00 Opnunartími Sundlaugar Grindavíkur.

Fornbíla- og traktorasafn til sýnis: Hermann Th. Ólafsson í Stakkavík á og geymir mikið safn fornbíla og traktora og í aðdraganda Sjóarans síkáta og fram yfir sjómannahelgina verður safnið til sýnis í sal við Seljabót 7, 2. hæð (gengið inn að ofan). Aðgangseyrir er 1.000 kr. frítt fyrir börn 12 ára og yngri.

10:00-23:00 Kvikan Saltfisksetrið og Guðbergsstofa opin.

10:00-23:00 Kvikan: UNDRAVERÖLD VIÐ HAFIÐ – Sjómennskan séð með augum grindvískra barna.

10:00-23:00 Kvikan: BORGIR – Pálmar Örn Guðmundsson.

12:30 Bylgjan í beinni frá Sjóaranum síkáta með aðsetur í Kvikunni.

14:00 Sjópulsan á ferð um höfnina. Tvenns konar ferðir; Ferð ofurhugans 13 ára og eldri – Ferð með yngri um höfnina. (Er háð veðri.)

14:00-17:00 Kvikan: Vöfflukaffi í Kvikunni – fjáröflun meistaraflokks kvenna í knattspyrnu

14:00-17:00 Leiktæki frá Skemmtigarðinum á hafnarsvæðinu fyrir krakka á öllum aldri. Frítt í leiktæki frá Skemmtigarðinum.

13:00-16:00 Andlitsmálun við Kvikuna. Frítt fyrir börnin.

13:00-17:00 Slysavarnardeildin Þórkatla: í sölugámi á hátíðarsvæði verður candy-flos, blöðrur og ýmislegt góðgæti til sölu. 

14:00-17:00 Skemmtidagskrá á hátíðarsviði:

•    Sterkasti maður á Íslandi The Víking Challenge. Stærsta keppnin til þessa. Keppt í 4 greinum báða dagana. Fyrsta og síðasta grein dagsins verða við hátíðarsviðið, hinar við löndunarkantinn eða á götunni. Mylluganga, drumablyfta, uxaganga og trukkadráttur.

•    Gunni og Felix
•    Sunny Side Road
•    Sirkus Íslands 
•    Leikfélag Keflavíkur
•    BMXBrós 

14:00 Hópkeyrsla bifhjóla frá Northern Light Inn, ekið inn í bæinn niður Víkurbraut, Ránargötu og inn á Hafnargötu, niður Ægisgötu og stoppað við VIRKIÐ, klúbbhús Grindjána, hjólum raðað upp til sýnis. Grindjánar bifhjólaklúbbur ásamt öðrum klúbbum stendur fyrir dagskránni.

16:00-17:00 Grindjánar bifhjólaklúbbur við Fiskmarkaðinn. Ókeypis krakkakeyrsla. Börn fá að sitja aftan á bifhjólum og fara hring. Mömmur fá að fara rúnt á eftir.

20:00-22:00 Kvikan: Vöfflukaffi í Kvikunni – fjáröflun meistaraflokks kvenna í knattspyrnu

20:00-22:30  BRYGGJUTÓNLEIKAR

20:00-21:00  RAPPARAR TAKA YFIR SVIÐIÐ
•    Vikki Króna
•    Herra Hnetusmjör, Joe Frazier og DJ Egill Spegill

21:00-22:30  BRYGGJUTÓNLEIKAR
•    Hljómsveit Grétars Örvarssonar
•    Sigga Beinteins
•    Friðrik Dór
•    Eyþór Ingi
•    Ágústa Eva
•    Pálmi Gunnarsson
•    Grétar Örvarsson
•    Tómast Guðmundsson
•    Íris Kristjánsdóttir 
•    Þorvaldur Halldórsson

22:30 - Bjartmar Guðlaugsson á Fish house. Frítt inn

23:30 – Íþróttahúsið: Risa dansleikur fram á rauða nótt. Körfuknattleiksdeild UMFG stendur fyrir sínu árlega balli og lofar miklu stuði. Fram koma:
Stuðlabandið
Salka Sól
Úlfur Úlfur 
Big Baby
Miðasala við innganginn. Húsið opnar kl. 23:30.
 

• Síðast uppfært: 3. júní 2018