453. fundur Hafnarstjórnar Grindavíkur haldinn Seljabót 2, mánudaginn 16. október 2017 og hófst hann kl. 17:00.

Fundinn sátu:
Ómar Davíð Ólafsson formaður, Pétur Már Benediktsson aðalmaður, Páll Jóhann Pálsson aðalmaður, Gunnar Harðarson aðalmaður, Magnús Andri Hjaltason varamaður og Sigurður A Kristmundsson hafnarstjóri.

Fundargerð ritaði: Sigurður A Kristmundsson, Hafnarstjóri.

Dagskrá:

1. 1709026 - Bjarni Þór: Ósk um Þurrleigu
Samningur við Skipaþjónustuna samþykktur og hafnarstjóra falið að skrifa undir samninginn.

2. 1710005 - Grindavíkurhöfn: Fjárhagsáætlun 2018-2021
Hafnarstjórn samþykkir tillögur hafnastjóra um hóflegar hækkanir á gjaldskrá 2018

3. 1710068 - Grindavíkurhöfn: Starfsáætlun 2018
Hafnarstjórn ítrekar enn og aftur að Oddsbúð verði fjarlægð nú þegar, vegna aukinna umsvifa sem verða á Eyjabakka vegna framkvæmda við Miðgarð.

4. 1706018 - Grindavíkurhöfn: Öryggismál
Hafnarstjórn leggur áherslu á að gatnamótin Seljabót / Ránargata verði kláruð í samræmi við tillögur samráðshóps hagsmunaaðila og hafnarstjórnar um öryggismál á hafnarsvæðinu. Hafnastjóra falið að vinna málið áfram með umferðaröryggisnefnd Grindavíkurbæjar. Hafnarstjórn telur að erindið sé afar brýnt til þess að auka öryggi þeirra sem eiga erindi um hafnarsvæðið.

5. 1710004 - Rannsóknarnefnd sjóslysa: Öryggi á hafnarsvæði
Hafnastjórn leggur mikinn metnað í að öryggismálum sé vel sinnt.

Fleira ekki gert. Fundi slitið kl. 19:20.

• Síðast uppfært: 19. október 2017