null

440. fundur Hafnarstjórnar Grindavíkur haldinn í bæjarstjórnarsal, mánudaginn 14. desember 2015

og hófst hann kl. 17:00.

Fundinn sátu:
Ómar Davíð Ólafsson formaður, Viktor Scheving Ingvarsson aðalmaður, Pétur Már Benediktsson aðalmaður, Páll Jóhann Pálsson aðalmaður, Gunnar Harðarson varamaður, Kristín María Birgisdóttir varamaður, Andrés Óskarsson varamaður, Sigurður A Kristmundsson hafnarstjóri, Hjálmar Hallgrímsson forseti, Róbert Ragnarsson bæjarstjóri og Guðmundur L. Pálsson Bæjarfulltrúi.

Fundargerð ritaði: Sigurður A Kristmundsson, Hafnarstjóri.

Dagskrá:

1. 1512073 - Miðgarður: Hönnun
Hafnarstjórn fellst á að fylgja eftir verkáætlun Vegagerðarinnar en leggur áherslu á að dýpið við áfanga tvö verði 8 metrar í stað 6 metra. Nú þegar eru mörg skip með heimahöfn í Grindavík með meiri djúpristu en 6 metrar og búast má við að ný skip sem smíðuð verða verði einnig með 6 metra djúpristu eða meira. Einnig eru nefndarmenn sammála um það að fara með nýja þilið eins stutt frá gamla þilinu og kostur er.

2. 1512074 - Grindavíkurhöfn: Stefnumótnaráætlun
Flest markmið stefnumótunaráætlunar sem hafnarstjórn setti sér árið 2012 eru í höfn. Hafnarstjórn leggur til að hópurinn sem stóð að stefnumótunaráætluninni verði kallaður saman til fundar með hafnarstjórn til að fara yfir stöðu stefnunnar og setja sér ný markmið.

Fleira ekki gert. Fundi slitið kl. 1840.

• Síðast uppfært: 8. janúar 2016