null

425. fundur Hafnarstjórnar Grindavíkur haldinn í sal bæjarstjórnar, mánudaginn 7. apríl 2014 og hófst hann kl. 17:00.

Fundinn sátu:
Páll Jóhann Pálsson formaður, Pétur Már Benediktsson aðalmaður, Bergþóra Gísladóttir aðalmaður, Eiríkur Óli Dagbjartsson aðalmaður, Andrés Óskarsson varamaður og Sigurður A Kristmundsson hafnarstjóri.

Fundargerð ritaði: Sigurður A Kristmundsson, Hafnarstjóri.

Dagskrá:

1. 1403033 - Umsókn um stöðuleyfi fyrir frystigáma og tjald við Svíragarð
Ármann Halldórsson sviðsstjóri skipulags- og umhverfissviðs kynnti erindi frá Þorbirni hf., kt. 420369-0429. Í erindinu er óskað eftir stöðuleyfi fyrir 170 fm. tjaldi, 5 stk. 40 ft. gámum og 1. stk. 20 ft. gámi, samtals 323 fm., á Suðurgarði og landfyllingu þar við. Erindinu fylgir lýsing og teikningar. Tilgangur uppsetningarinnar er að gera flokkun og umskipun á frostnum afurðum skilvirkari.
Skipulags- og umhverfisnefnd vísar málinu til umsagnar hafnarstjórnar.

Hafnarstjórn hafnar þeirri staðsetningu sem lýst er í umsókninni, en leggur til að aðstaðan verði færð vestur að gamla löndunarhúsinu.

Hafnarstjóra og sviðsstjóra falið að vinna málið áfram og ræða við hlutaðeigandi aðila.

Róbert Ragnarsson bæjarstjóri og Eva Þórðardóttir skipulagsfræðingur frá EFLU verkfræðistofu sátu fundinn undir þessum lið.

2. 1210092 - Endurskoðun jafnréttisáætlunar Grindavíkurbæjar
Lagt fram.

3. 1403122 - Víkkun innsiglingar Grindavíkurhafnar og stytting Austurgarðs
Hafnarstjórn leggur til að skoðað verði í samvinnu við Vegagerðina að bryggjuendi Suðurgarðs verði útbúinn með öflugum stuðpúðum og við austurgarð verði útbúin tunna sem kemur í veg fyrir að skip rekist í grjótgarðinn.

Fleira ekki gert. Fundi slitið kl. 19:00.

• Síðast uppfært: 8. apríl 2014