417. fundur Hafnarstjórnar Grindavíkur haldinn Seljabót 2, mánudaginn 4. febrúar 2013 og hófst hann kl. 17:00.

Fundinn sátu:
Páll Jóhann Pálsson formaður, Hilmar E Helgason varaformaður, Pétur Már Benediktsson aðalmaður, Bergþóra Gísladóttir aðalmaður, Heiðar Hrafn Eiríksson varamaður, Sigurður A Kristmundsson hafnarstjóri og Róbert Ragnarsson bæjarstjóri.
Fundargerð ritaði: Róbert Ragnarsson, Bæjarstjóri.

Dagskrá:

1. 1212009 - Stefnumótun Grindavíkurhafnar
Framhald frá síðasta fundi.

Hafnarstjóri leiddi umræðu um stefnumótunarskýrsluna. Farið var yfir markmið og gildi hafnarinnar og rætt um styrkleika, veikleika, ógnanir og tækifæri. Auk þess var farið yfir helstu verkefni sem lögð eru til í skýrslunni og rætt um forgangsröðun. Hafnarstjóra falið að leggja fram tillögu að forgangsröðun verkefna fyrir næsta fund.

Hafnarstjóra falið að vinna að auknu samstarfi fyrirtækja og þjónustuaðila við höfnina byggt á fyrirmynd Grindavík Experience, m.a. með það að markmiði að vera með sameiginlega kynningu á Grindavíkurhöfn á sjávarútvegssýningunni 2014.

Ákveðið að halda umræðum um stefnumótunina áfram á næsta fundi.

2. 1302002 - Tilboð Hagtaks í hreinsun á skeri og hafti við Austurhluta Miðgarðs
Hagtak hf. gerir Grindavíkurhöfn tilboð um hreinsun á skeri og hafti við austurhluta Miðgarðs og borun og niðursetningu á tveimur siglingamerkjum.
Greiðsla fyrir verkefnið verði í formi þess að Grindavíkurhöfn taki að sér drátt dýpkunartækja Hagtaks á dráttarbáti hafnarinnar.

Hafnarstjórn samþykkir tilboðið og felur hafnarstjóra að ganga frá samningi við Hagtak og leggja fyrir bæjarstjórn til staðfestingar.

3. 1212047 - Efnahagsleg umsvif og afkoma sjávarklasans á Íslandi 2011. Skýrsla Sjávarklasans
Skýrslan er lögð fram til kynningar.

4. 1211095 - Skýrsla KPMG um áhrif fiskmarkaða á fiskverð, unnin fyrir Samtök fiskframleiðenda og útflutningsaðila
Skýrslan er lögð fram til kynningar.

Fleira ekki gert. Fundi slitið kl. 18:45.

• Síðast uppfært: 4. febrúar 2013