Hafnarstjórn Grindavíkur - 414. fundur Hafnarstjórnar Grindavíkur haldinn Seljabót 2, þriðjudaginn 2. október 2012 og hófst hann kl. 17:00.

Fundinn sátu:
Páll Jóhann Pálsson formaður, Pétur Már Benediktsson aðalmaður, Bergþóra Gísladóttir aðalmaður, Eiríkur Óli Dagbjartsson aðalmaður, Andrés Óskarsson varamaður og Sigurður A Kristmundsson hafnarstjóri.

Fundargerð ritaði: Sigurður A Kristmundsson, hafnarstjóri.

Dagskrá:

1. 1210007 - Landfylling og stækkun athafnasvæðis við Suðurgarð
Hafnarstjórn telur að með landfyllingu við Suðurgarð verði til verðmætt athafnasvæði sem skapar framtíðarmöguleika í hafsækinni þjónustu í Grindavíkurhöfn og fyrirtækjum í Grindavík s.s. aukna vöruflutninga, makríllandanir, frystitogaralandanir o.m.fl.

Hafnarstjórn leggur til að hafnarsjóður fái viðauka við fjárhagsáætlun 2012, allt að 7 milljónum króna, til að fjármagna verkið samkvæmt kostnaðaráætlun Siglingastofnunar, liðir 1-4.

Andrés Óskarsson vék af fundi við umræður og afgreiðslu málsins.

2. 1210008 - Beiðni um dýpkun innan hafnar.
Hafnarstjórn óskar eftir því að hafnarsjóður fái 55 milljónir í viðauka við fjárhagsáætlun 2012 til að auka dýpi við Eyjabakka svo skuttogarar og stærri skip geti lagt að og farið frá bryggju með öruggari hætti.

Eiríkur Dagbjartsson vék af fundi við umræður og afgreiðslu málsins.

Fleira ekki gert. Fundi slitið kl. 19:00.

• Síðast uppfært: 3. október 2012