Gleði og ánægja á litlu jólum eldri nemenda

• Grunnskólafréttir
• 20. desember 2021

Mikil gleði og ánægja ríkti á litlu jólunum á miðstigi og elsta stigi. Jólafrí framundan og alltaf svo gaman að klæða sig upp, skiptast á pökkum og hlusta á jólasögu. Smákökur og snakk og gosdrykkir fylgja með og allir njóta stundarinnar. Pálmar Guðmundsson spilaði jólalögin og dansað var í kringum jólatré. Nemendur í 10.bekk snæddu kvöldverð saman, indælis kjúklingasúpu ala Bjarni Óla og runnu veitingarnar vel niður. Það er gott að geta haldið slíkan viðburð en það telst víst ekki alveg sjálfsagt á tímunum sem við lifum á núna. 

• Síðast uppfært: 20. desember 2021