Heimsókn frá Má Gunnarssyni

• Grunnskólafréttir
• 13. desember 2021

Í síðustu viku fengu nemendur í 9. og 10.bekk góðan gest í heimsókn þegar Már Gunnarsson kom í heimsókn. Már hafði frá mörgu að segja enda bæði tónlistarmaður og afreksíþróttamaður.

Áður en Már kom í heimsókn höfðu krakkarnir horft á þáttinn "Dagur í lífi" sem sýndur er á RÚV en það er íslensk þáttaröð um líf fólks sem býr við skerta starfsgetu og/eða líkamlega fötlun af ýmsum toga. Már missti sjónina ungur að aldri og í umsögn um þáttinn kemur fram að jákvætt viðhorf Más hafi fært honum ýmsa sigra bæði í íþróttum og tónlist.

Þegar Már kom og hitti krakkana sagði hann þeim m.a. frá því þegar hann keppti á Ólympíuleikum og sagði þeim frá ýmsu öðru sem hann hefur afrekað í lífinu. Fyrirlestrinum var afar vel tekið af nemendum og óhætt að segja að Már hafi heldur betur veitt þeim innblástur.

Hér fyrir neðan má sjá myndir frá heimsókn Más.

• Síðast uppfært: 13. desember 2021