Kæru foreldrar
Þegar komið er með barn í leikskólann og þegar barn er sótt er grímuskylda hjá foreldrum. Í landinu er grímuskylda þar sem ekki er hægt að tryggja 2 metra regluna og er sektarákvæði ef því er ekki fylgt. Einnig eiga allir að spritta hendurnar þegar þeir koma inn á leikskólann. Það eru hámark 4 foreldrar inni í fataherbergi í einu. Það er á ykkar ábyrgð að framfylgja því og við treystum á ykkur að gera það. Foreldrar fá einungis að fara inn í fataherbergi en fara ekki inn í sjálfan leikskólann.
Klukkan 8:15 er hurðinni inn í Rásina læst og verða foreldrar þá að hringja dyrabjöllu sem er merk heimastofunni eða hringja inn á heimastofuna til að kennari komi fram og hleypi barninu inn. Dyrabjallan er staðsett við hliðina á hurðinni sem er inn í Rásina.
Við viljum biðla til ykkar að koma ekki með börnin í leikskólann frá kl.9:30-13:00 þar sem fataherbergið verður sótthreinsað áður en börnin fara út að leika kl.10:00.
Í lok dags reynum við að skila úti og biðjum við ykkur um að fara sem minnst inn í fataherbergi en ef þess gerist þörf að dvelja þar sem allra styst og einungis ná í það sem vantar en ekki leyfa börnum að skipta um föt. Þegar ekki er hægt að loka úti treystum við á að foreldrar passi að það séu hámark 4 í fataherberginu og noti dyrabjölluna eða síma til að láta vita af því að það sé verið að sækja barn.
Við leggjum trú og traust okkar á að þið kæru foreldrar virðið þessar reglur og hjálpið okkur að verja bæði börnin ykkar og starfsfólkið okkar.
Við erum öll almannavarnir 😊