Leikskólastarfið frá og með 4.maí

• Lautarfréttir
• 28. apríl 2020

Kæru foreldrar

Leikskólinn Laut mun starfa líkt og venjulega frá og með 4.maí en hafa ber eftirfarandi atriði í huga :

• Áfram gildir 2 metra reglan á milli foreldra og foreldra, starfsmanna og foreldra, og starfsmanna og starfsmanna.
• Þessu getur verið erfitt að framfylgja t.d. í fataherberginu og verðum við að treysta á ykkur foreldrar góðir að stjórna flæðinu inn og út úr fataherberginu með tveggja metra regluna í huga en hámarksfjöldi foreldra verður áfram 4 inn í fataherbergi. Fyrst um sinn verður starfsmaður í fataherberginu til að fylgjast með flæðinu inn og út úr fataherberginu. Viljum við biðja foreldra að koma inn um aðaldyrnar en út um garðdyrnar.
• Þetta þýðir mögulega að einhverjir þurfa að bíða smá stund til þess að komast inn en ef að allir hjálpast að t.d. vera snögg inn og út ætti þetta að ganga smurt fyrir sig.
• Eins viljum við biðla til þeirra foreldra sem eru með vistun t.d. kl. 08:00 og eru ekki að fara til vinnu að koma kannski 08:05 eða álíka.
• Áfram gildir reglan um að foreldrar fari EKKI inn á heimastofur barna sinna.

Kær kveðja frá starfsfólki Lautar

• Síðast uppfært: 28. apríl 2020