Pínulitla gula hænan í Grindavík

• Kvikufréttir
• 16. ágúst 2021

Leikhópurinn Lotta kemur í heimsókn til okkar í Húllið (á pöllunum neðan við Kvikuna) þriðjudaginn 17. ágúst kl. 17:00 með ævintýralegt skemmtiatriði fyrir alla fjölskylduna. Sýningin er í boði Grindavíkurbæjar og geta áhorfendur því notið sér að kostnaðarlausu.

Það verður aðeins annar bragur á Lottu í sumar, sökum Covid gátu þau ekki búið til glænýjan íslenskan söngleik í fullri lengd líkt og vanalega, þau hafa þó ekki setið auðum höndum og koma nú til okkar með frábæra söngvasyrpu stútfulla af sprelli og fjöri fyrir allan aldur.

Í sumar ferðast Leikhópurinn Lotta um landið með skemmtilegt atriði unnið uppúr Litlu gulu hænunni sem þau sýndu árið 2015. Fjórir þekktir Lottu leikarar mæta á svæðið með frábært 25 mínútna skemmtiatriði prýtt fallegum boðskap, frábærum húmor að hætti Lottu og góðum lögum. Sjáumst vonandi sem flest á Pínulitlu gulu hænunni.

• Síðast uppfært: 16. ágúst 2021