Miklar framkvæmdir í Kvikunni

• Kvikufréttir
• 18. nóvember 2020

Um þessar mundir er staðið í stórræðum í Kvikunni.  Þessa vikuna verið að flytja stærsta hluta Saltfisksýningarinnar ,,Saltfiskur í sögu þjóðar“ á efri hæð hússins. Það er hönnuður sýningarinnar Björn G. Björnsson sem hefur haft yfirumsjón með flutning og endurhönnun sýningarinnar. Verkið hefur gengið hratt og vel fyrir sig en það er fyrirtækið HH smíði sem sér um framkvæmd flutninga. 

Af þessum sökum verða sýningar hússins lokaðar að sinni en  enduropnun verður sérstaklega auglýst þegar af henni verður.

Dagana 18.-20. nóvember verður erfiðara en ella að taka á móti fólki en frá og með laugardeginum 21. nóvember verður aftur opnað inn í forsalinn gesti og gangandi. Þar verður hægt verður að setjast niður með fjölskyldu eða vinum og föndra, taka myndir við jólamyndavegginn og narta í pipakökur. Hópar með færri en 10 fullorðnum eru velkomnir að líta við í kaffi og spjall frá kl 10:00-17:00 frá næstu viku og fram að jólum; kynna sér framkvæmdirnar og njóta jólastemmingarinnar. 

Við bendum þó á að ef stærri hópar ætla að kíkja við er gott að hringja á undan sér og láta vita svo hægt sé að athuga með pláss út frá fjöldatakmörkunum. Símanúmer Kvikunnar er 420-1190

Hægt er að fylgjast með framkvæmdum á Instagram síðu Kvikunnar. 

• Síðast uppfært: 18. nóvember 2020