Opið hús í Kvikunni um helgina

• Kvikufréttir
• 31. janúar 2020

Menningarhús Grindvíkinga, Kvikan verður sem fyrr opið um helgina frá 10:00 - 17:00 en boðið verður upp á ýmislegt skemmtilegt fyrir íbúa bæjarins.

Í dag verður boðið upp á kaffi og bakkelsi fyrir gesti auk þess sem frítt er á sýningarnar í húsinu. Til taks verða ýmis spil sem gestir og gangandi geta gripið í. Það er fallegur dagur og útsýnið úr Kvikunni, út yfir höfnina er dásamlegt í vetrarveðri sem þessu. 

Dagskrá laugardag:

Kl. 10:00 - 12:00: Opið verður á sýningarnar og frítt inn. Elínborg Gísladóttir sóknarprestur verður á staðnum. Hægt er að leita til hennar ef fólk hefur einhverjar spurningar. 

Kl. 13:00:  Opinn jógatími á efri hæðinni undir leiðsögn Petrúnellu Skúladóttur. Þeir sem eiga jógadýnur geta komið með sínar eigin annars verða dýnur og teppi á staðnum. Í kjölfar tímans verður boðið upp á Kviku-skot (engifer-skot) fyrir þá sem vilja. Þá verður einnig hressing í boði fyrir gesti og gangandi. 

Kl. 14:00 - 17:00: Magnús Tumi Guðmundsson, jarðeðlisfræðingur verður á staðnum í kaffispjalli. 

Kl.14:00:  Krakkabíó þar sem börn og aðrir geta komið og horft saman á skemmtilega mynd. Spil verða áfram á svæðinu fyrir þá sem hafa áhuga á að spila.

Við hvetjum pólskumælandi íbúa Grindavíkur að kíkja við í spjall og hressingu en túlkar verða á staðnum ef þeir hafa einhverjar spurningar. Hvort sem það er landrisið við Þorbjörn eða annað sem viðkemur bæjarfélaginu.  Túlkarnir verða til taks frá klukkan 12:00 - 14:00. 

Sunnudagur: 

Opið frá 10:00 - 17:00 og frítt á sýningarnar. Veitingar verða í boði fyrir gesti og gangandi auk þess sem spil verða á staðnum fyrir þá sem vilja stytta sér stundir. 

• Síðast uppfært: 25. maí 2020