Ný Jóhanna Gísladóttir kom til heimahafnar í gær

• Höfnin
• 15. október 2021

Nýtt togskip bættist í skipaflota Vísis hf í gær þegar ný Jóhanna Gísladóttir GK 357 kom til Grindavíkurhafnar eftir siglingu frá slippnum í Reykjavík. Á Facebook síðunni Bátar og bryggjubrölt birtast glæsilegar myndir af skipinu sem Jón Steinar Sæmundsson tók með dróna. Þar segir um nýja skipið: 
Jóhanna var smíðuð hjá Karstensens Skibsværft í Skagen í Danmörku árið 1998 og er 36 metrar að lengd og breiddin er 10,5 metrar. 
Hét upphaflega Westro skráður í Skotlandi, síðan Brodd 1  og var gerður út frá Álasundi. Bergur ehf í Vestmannaeyjum keypti hann til landsins frá Noregi haustið 2005 og skírði Berg VE 44, nafn sem skipið bar þar til nú að Vísir eignast skipið.

Við óskum Vísi hf, eigendum og starfsfólki innilega til hamingju með nýtt skip!

Meðfylgjandi myndir voru teknar við höfnina þegar skipið lagðist að bryggju

• Síðast uppfært: 15. október 2021