Skáldagyðjur í heimsókn á bókasafninu

• Bókasafnsfréttir
• 27. nóvember 2018

Þrjá skáldagyðjur kynna nýjar bækur sínar á bókakynningu í Bókasafni Grindavíkur fimmtudagskvöldið 29. nóvember kl. 20:00. Allir hjartanlega velkomnir!
Guðrún Sæmundsen, er að gefa út sína aðra skáldsögu um þessi jól; Andstæður.
Bókin fjallar um hvernig andstæður veruleiki þriggja sögupersóna tvinnast saman. Þar sem græðgi og nægjusemi, illska og kærleikur, ótti og kjarkur togast á.
Rauði þráðurinn í bókinni er ádeila á lögleiðingu vændis í Evrópu. Þetta er spennusaga sem rígheldur í lesandann frá fyrstu blaðsíðu.
Marta Eiríksdóttir er íslenskukennari að mennt. Að kitla lesendur og auðga kímnigáfu þeirra hefur verið leiðarljós hennar hingað til þegar hún skrifar skáldsögur en Marta hefur gefið út þrjár bækur.
Sú nýjasta heitir Mojfríður einkaspæjari og fjallar um undarlega konu sem lætur drauminn rætast um að gerast einkaspæjari og njósna um eiginmenn sem grunaðir eru um framhjáhald og græsku.
Monika Dagný Karlsdóttir er hundaræktandi fyrir austan fjall sem skrifað hefur tvær skáldsögur um íslenska fjárhundinn.
Hún hefur lært mikið af því að umgangast hunda og segir þá geta kennt mannfólkinu margt.
Bókin um Hófí fjallar á fallegan hátt um hund sem Monika átti sjálf en hún hefur skrifað tvær barnabækur um Hófí sem þegar hafa verið þýddar á fleiri tungumál og útlendingar sýna mikinn áhuga.  

• Síðast uppfært: 27. nóvember 2018