Ár 2010, mánudaginn 18. október var haldinn 69. fundur í menningar- og bókasafnsnefnd Grindavíkur. Fundurinn var haldinn á bæjarskrifstofunni og hófst kl. 15:00

Mætt: Valdís Kristinsdóttir formaður, Kristín Gísladóttir og Halldór Lárusson. Einnig sat fundinn Kristinn J. Reimarsson frístunda- og menningarfulltrúi sem ritaði fundargerð.

Formaður setti fund og bauð fundarmenn velkomna.

Dagskrá:

1. 1008068 - Málefni bókasafns
Á fundinn mætti Margrét Gísladóttir forstöðumaður bókasafnsins. Tekið fyrir bréf frá forstöðumanni þar sem viðraðar eru hugmyndir um skerðingu á afgreiðslutíma. Lagt er til að bókasafnið verði lokað á laugardögum og taki sú breyting gildi frá og með 1. nóvember n.k. Rætt um hækkun á gjaldskrá v/ útleigu á gögnum og einnig breytingu á sektarupphæðum. Verið er að vinna tillögur í þeim efnum. Nefndin samþykkir breytingu á opnunartíma safnsins.

Bókasöfnin á Reykjanesi standa sameiginlega fyrir bókmenntakvöldum nú á haustmánuðum. Fyrsta er í Garði 26. október.  Bókmenntakvöld í Grindavík verður í nóvember og væntanlega á degi íslenskrar tungu, 16. nóvember.

2. 1010026 - Menningarnefnd - fjárhagsáætlun 2011.
Nefndin leggur áherslu á að ekki verði skorið niður í stuðningi við menningarviku. Jafnframt leggur nefndin til að viðburða- og menningardagskrá verði tekin til endurskoðunar í heild sinni.


3. 1010025 - Menningarvika 2011.
Samþykkt að menningarvikan verði 3. - 9. apríl 2011.

 Fleira ekki rætt og fundi slitið kl. 16:00.

Kristín Gísladóttir
Valdís Kristinsdóttir
Halldór Lárusson

• Síðast uppfært: 19. október 2010