1.

1004028 - Erindi frá knattspyrnudeildinni.

Ósk um byggingarleyfi vegna viðbyggingar við búningsklefa knattspyrnudeildar Grindavíkur við Austurveg 3a skv. teikningum dags. 01.10.2010 unnar af Sigurbjarti Loftssyni.

Nefndin samþykkir erindið. Byggingafulltrúi mun gefa út formlegt byggingarleyfi þegar að tilskyldum gögnum hefur verið skilað inn.

2.

0810019 - Breyting á deiliskipulagi iðnaðar-og orkuvinnslusvæðis á Reykjanesi

Endanleg afgreiðsla.
Tillaga að breytingu var auglýst 27. júlí og rann athugasemdafrestur út 14. september 2010. Engar athugasemdir bárust. Einnig var óskað álits Umhverfisstofnunar, Skipulagsstofnunar og Orkustofnunar á breytingartillögunni og umhverfisskýrslu skv. 7. gr. laga nr. 105/2006 um umhverfismat áætlana. Orkustofnun sendi umsögn 23. ágúst, Umhverfisstofnun 16. september og Skipulagsstofnun 22. september. Fyrir liggja svör við umsögnum stofnananna og breyting á greinargerð deiliskipulags, sem felst í því að skilmála um borun er getið. Einnig er lögð fram greinargerð skv. 9. gr. laga nr. 105/2006 um afgreiðslu áætlunarinnar.

Skipulagsnefnd telur mikilvægt að unnin verði vöktunaráætlun með skipulaginu, í samræmi við umhverfismat áætlunarinnar og ábendingar Skipulagsstofnunar.

Skipulagsnefnd tekur undir ábendingu Skipulagsstofnunar um að ekki verði gefin út byggingarleyfi fyrir stækkun virkjunar, nema fyrir liggi virkjunarleyfi Orkustofnunar.

Nefndin felur skipulags- og byggingafulltrúa að leita samstarfs við Reykjanesbæ um gerð áætlunarinnar.

3.

0806035 - Vatnsskarðsnáma-breyting á aðalskipulagi Grindavíkurbæjar

Endanleg afgreiðsla. Tillaga að breytingu var auglýst frá 23. apríl - 17. júní og rann athugasemdafrestur út 17. júní 2010. Ein athugasemd barst. Meðfylgjandi er tillaga að svari við athugasemdinni ásamt greinargerð með endanlegri áætlun skv. 9. gr laga um umhverfismat áætlana nr. 105/2006.

Nefndin leggur til að bæjarstjórn samþykki breytingu á aðalskipulaginu skv. 3.mgr 18.gr. skipulags- og byggingarlaga nr. 73/1997. Sjá fskj. 1