Fundur nr. 63 í fræðslu- og uppeldisnefnd var haldinn kl. 17:00 hinn 14. september 2010 á sal bæjarstjórnar í Grindavík.

Mætt: Ásdís Sigurðardóttir (D) (varam. fyrir Klöru Halldórsdóttur), Þórunn Svava Róbertsdóttir (D), Eva Björg Sigurðardóttir (B), Einar Sveinn Jónsson (G) og Sigríður Anna Ólafsdóttir (S) frá nefndinni. Áheyrnarfulltrúar eru Páll Leó, f.h. skólastjóra grunnskóla, Þuríður Gísladóttir, f.h. kennara í grunnskóla, Hrafnhildur Harpa, f.h. foreldra nemenda í grunnskóla, Albína Unndórsdóttir f.h. leikskólastjóra, Björg Guðmundsdóttir, f.h. starfsfólks leikskóla og Laufey J. Sveinsdóttir, f.h. foreldra barna í leikskóla. Þá situr fundinn Róbert Ragnarsson, bæjarstjóra, auk Nökkva Más Jónssonar skólamálafulltrúa er ritar fundargerð.

1. Mál nr. 1009023 - Auðkennismerki Grunnskóla Grindavíkur
Þorsteinn Gunnarsson, upplýsinga- og þróunarfulltrúi Grindavíkur kemur inn á fundinn og kynnir tillögur að nýju auðkennismerki fyrir Grunnskóla Grindavíkur. Nefndin lýsir yfir ánægju sinni með fyrirliggjandi tillögur.

2. Mál nr. 1009020 - Úttekt á leikskólum
Bréf, dags 28. ágúst liggur frammi frá Mennta- og menningarmálaráðuneytinu þar sem auglýst er eftir umsóknum frá sveitarfélögum um úttekt á leikskólum. Nefndin hvetur til þess að sótt verði um vegna beggja leikskóla.

3. Mál nr. 1009021 - Úttekt á grunnskólum
Bréf, dags 28. ágúst liggur frammi frá Mennta- og menningarmálaráðuneytinu þar sem auglýst er eftir umsóknum frá sveitarfélögum um úttekt á grunnskólum. Nefndin hvetur til þess að sótt verði um vegna Grunnskóla Grindavíkur.

4. 1009024 - Fermingarferðalag haust 2010
Málið rætt.

5. 1009022 - Tilkynning um breytt fyrirkomulag á skipulagi skólaheilsugæslu
Nefndin gagnrýnir breytingu á skipulagi skólaheilsugæslu og átelur skort á samráði í aðdraganda ákvörðunarinnar. Jafnframt gerir nefndin athugasemdir við að staða skólahjúkrunarfræðings sé mönnuð starfsmanni sem ekki hefur tilskilin réttindi.

6. 1008046 - Úthlutun styrkja úr þróunarsjóði skóla í Grindavík
Umsækjendur kynntu verkefni sín. Páll Leó kynnti verkefni um fjölbreytta kennsluhætti fyrir hönd Grunnskóla Grindavíkur. Ásrún og Kristjana kynntu verkefni um námsmatshandbók fyrir 1. - 3. bekk. Usmókn Dagnýjar Erlu og Maggýjar Hrannar var ekki tekin fyrir að höfðu samráði við annan umsækjenda.
Nefndin samþykkir að veita Grunnskóla Grindavíkur styrk upp á 250.000,- og Ásrúnu og Kristjönu styrk upp á kr. 400.000,-.
Nökkvi Már víkur af fundi undir þessum lið.

Fleira ekki gert og fundi slitið kl. 19:50.

Ásdís Sigurðardóttir
Þórunn Svava Róbertsdóttir
Eva Björg Sigurðardóttir
Einar Sveinn Jónsson
Sigríður Anna Ólafsdóttir
Páll Leó Jónsson
Þuríður Gísladóttir
Hrafnhildur Harpa Skúladóttir
Albína Unndórsdóttir
Björg Guðmundsdóttir Hammer
Laufey J. Sveinsdóttir

• Síðast uppfært: 16. september 2010