125. fundur Umhverfisnefndar Grindavíkurbæjar haldinn í sal bæjarstjórnar, mánudaginn 30. ágúst 2010 og hófst hann kl. 20:00.

Fundinn sátu: Guðbjörg Eyjólfsdóttir, Björgvin Björgvinsson og Jón Ólafur Sigurðsson.

Fundargerð ritaði:  Þorsteinn Gunnarsson.

Dagskrá:

1. 1008050 Lög og reglur umhverfisnefndar
Lagt fram.

2. 1008051 Umhverfisverðlaun 2010
Eftir ábendingar og vettvangsferðir hefur nefndin ákveðið að veita eftirfarandi verðlaun:
Verðlaun fyrir fallegan og gróinn garð: Norðurvör 2, Matthías Grindvík Guðmundsson og Berta Grétarsdóttir.
Verðlaun fyrir fallegan og gróinn garð: Blómsturvellir 6, Daníel Jónsson og Birna Bjarnadóttir.
Verðlaun fyrir ræktun við erfiðar aðstæður: Staðarhóll í Staðarhverfi - Elsa Dóra og Jóhann Líndal.
Verðlaun fyrir vel heppnaða viðgerð á gömlu húsi: Bergsholt, Borgarhraun 5 - Björn Steinar Sigurjónsson og Rebekka Jórmundsdóttir.
Verðlaun fyrir snyrtilegasta fyrirtækið: Þorbjörn hf. fyrir minja- og myndasýninguna.
Umhverfisnefnd þakkar Ástu Jóhannesdóttur, garðyrkjustjóra bæjarins, fyrir fagleg ráðgjöf við valið.
Þá þakkar nefndin margar góðar ábendingar frá bæjarbúum.

3. 1008052 Heimsókn frá Samtökunum Gróður fyrir fólk.
Lagt fram.

4. 1008053 Gámar á íbúða- og fyrirtækjalóðum.
Ábendingar hafa borist um gáma á íbúða- og fyrirtækjalóðum sem ekki er stöðuleyfi fyrir og hafa verið þar um langa hríð. Nefndin bendir lóðareigendum á að skipulagt gámasvæði fyrir Grindavíkurbæ er í Moldarlág. Jafnframt beinir nefndum þeim tilmælum til skipulags- og bygginganefndar að fylgja þessu máli eftir og nota þau úrræði sem eru fyrir hendi.

5. 1004032 - Reglugerð um skilti í Grindavíkurbæ.
Nefndin telur að reglugerð um skilti í bænum sé löngu tímabær og samþykkir hana eins og hún liggur fyrir. Nefndin leggur til að fundinn verði staður fyrir fasta auglýsingareiti og bendir þar t.d. á innkomuplan við götuskilti á Grindavíkurvegi ,á gíghæðinni og við hafnarsvæðið. Slík svæði þyrfti að skipuleggja í samræmi við reglugerðina.

6. 1008054 Þakkir til Vinnuskólans.
Nefndin þakkar Vinnuskólanum fyrir vel unnin störf á líðandi sumri. Bærinn er ákaflega snyrtilegur svo eftir er tekið. Einnig er Vinnuskólanum þakkað fyrir góða umhirðu og umsjón tjaldsvæðis.

Fleira ekki gert. Fundi slitið kl. 21:00.

• Síðast uppfært: 7. september 2010