Miðstöð Símenntunar á Suðurnesjum opnaði útibú í Grindavík í sumar að Víkurbraut 56. Þar er boðið upp á fjölbreytt nám sem Grindvíkingar eru hvattir til að kynna sér. Guðrún Jóna Magnúsdóttir var ráðin verkefnastjóri og svarar hún nokkrum spurningum sem Grindvíkingur vikunnar, sem byrjar á ný eftir sumarfrí.
Nafn? Guðrún Jóna Magnúsdóttir.
Fjölskylduhagir? Gift Óla Birni Björgvinssyni og saman eigum við fjögur börn.
Starf? Verkefnisstjóri og náms- og starfsráðgjafi hjá MSS í Grindavík og MA-nemi í náms- og starfráðgjöf við HÍ.
Uppáhalds-
...maturinn? Hryggurinn hennar mömmu klikkar aldrei.
...drykkurinn? Vatn.
...staðurinn? Grindavík.
...leikarinn? Frank Hvam.
...lagið? Popplag í G-dúr.
...söngvarinn/hljómsveitin? Michael Bublé.
...fuglinn? Lóan.
...liturinn? Blár.
...bókin? Leitin að tilgangi lífsins e. Viktor Frankl.
...bíómyndin? Little miss sunshine.
...íþróttamaðurinn? Erla Ásgeirsdóttir skíðakona úr Breiðabliki.
...liðið? Grindavík.
Hvert er þitt lífs mottó? Að læra svo lengi sem ég lifi.
Hvað er best við Grindavík? Fólkið.
Fyrir hverja er MSS? MSS er fyrir alla unga sem aldna sem vilja efla sig í lífi og starfi.
Hvað býður MSS upp á nú á haustönn? Nám í heimabyggð fyrir þá sem eru í námi við háskólann á Akureyri í gegnum fjarfundabúnað, áhugasviðskannanir, Menntastoðir, skrifstofuskólann, tölvunámskeið, tölvunámskeið 60+, enskunámskeið, norskunámskeið, silfursmíði, íslenskunám fyrir útlendinga 1-5, tarotnámskeið, sjálfsstyrkingarnámskeið fyrir ungar konar á öllum aldri, námsleiðin sterkari starfsmaður, saumanámskeið, prjónanámskeið og fluguhnýtinganámskeið. Í samstarfi við Fisktækniskólann er boðið upp á Handflökun á þorski og ýsu, handflökun og skurð á laxi og silungi, hnífar og skerpingar, innra eftirlit - HACCP, veiðitækni, vinnuvistfræði fyrir fiskvinnslufólk og sjómenn, meðferð afla fyrir strandveiðimenn og skipstjórnarréttindi fyrir 12 m. báta og styttri (pungapróf).
Hvaða þýðingu hefur það fyrir Grindavík að fá menntastofnun sem þessa hingað? Það er gríðarlega mikilvægt fyrir Grindvíkinga að geta sótt sér menntun í heimabyggð hvort sem er á sviði tómstunda eða í tengslum við áframhaldandi nám. Margir sem stofnað hafa fjölskyldu hafa sett það fyrir sig að þurfa að keyra langar vegalengdir en nú er það úr sögunni með tilkomu MSS í Grindavík. Fisktækniskólinn er einnig stofnun sem á mikið erindi í bæjarfélagið sem er jú fyrst og fremst útgerðarbær og margir geta sótt sér meiri þekkingu þar.
Hver eru þín helstu áhugamál? Ferðalög, skíði, knattspyrna og stangveiði.
Eitthvað að lokum? Mig langar að nota tækifærið og bjóða alla Grindvíkinga velkomna til okkar hjá MSS og Fisktækniskólanum að Víkurbraut 56 og á vefnum mss.is er hægt að fá nánari upplýsingar um námskeiðin sem eru í boði.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
