Kennsla í íþróttum íþróttum og sundi fer fram í Íþróttamiðstöð Grindavíkur þar sem er 25 metra útisundlaug og íþróttasalur. Jafnframt er aðgengi að Hópinu, fjölnota íþróttahúsi.

Íþróttamiðstöðin er í þægilegu göngufæri fyrir yngstu nemendurna í Hópsskóla en nemendur í 4. til 10. bekk í grunnskólanum þurfa að ganga u.þ.b. 10-15 mínútur í íþróttamiðstöðina.

Sundlaug Grindavíkur er 25 x 12,5 m útisundlaug. Þarna eru tveir heitir pottar, annar með nuddi, barnalaug með svepp, rennibraut og fleira.

Íþróttahúsið er þar skammt frá en það var tekið í notkun 20. október 1985. Stærri salurinn er 900 m² að stærð en minni salurinn er 140 m² . Fjórir búningsklefar eru í húsinu auk annars rýmis. 

Skammt frá skólanum er fjölnota íþróttahús, Hópið , sem var tekið í notkun haustið 2009. Þetta er glæsilegt hús sem aðallega er notað til knattspyrnuiðkunar en nýtist einnig í aðrar íþróttagreinar, fyrir göngur fyrir almenning og að sjálfsögðu sem skólamannvirki.

Reglur um íþróttafatnað:
Í 1. til 3. bekk eru allir í íþróttafötum (stuttbuxum og bol) og berfættir.
Í 4. til 10. bekk eiga allir að vera í innanhússíþróttaskóm og íþróttafötum (stuttbuxum og bol).
Allir eiga að fara í sturtu eftir leikfimitíma.

Reglur um sundfatnað:
Sjá nánar hér .

• Síðast uppfært: 14. febrúar 2018