• FRÉTTIR
• fim. 19. ágú. 2010

1236. bæjarráðs Grindavíkur haldinn á skrifstofu bæjarstjóra, miðvikudaginn 18. ágúst 2010 og hófst hann kl. 17:00.

Fundinn sátu:
Guðmundur L. Pálsson (GLP), Bryndís Gunnlaugsdóttir (BG), Kristín María Birgisdóttir (KMB) og Páll Valur Björnsson (PVB).

Fundargerð ritaði: Róbert Ragnarsson, bæjarstjóri

Dagskrá:

1. 1008001 - Innleiðing á tillögum starfshóps um endurskoðun á lögum og reglum Jöfnunarsjóðs sveitarfélaga
Lagt fram.

2. 1008003 - Kynningarefni á DVD fyrir Grindavík
Bæjarráð sér sér ekki fært að verða við erindinu.

3. 1008004 - Framtíð Lundar, beiðni um styrk
Bæjarráð vekur athygli á því að verkefnið er styrkt á vettvangi SSS fyrir hönd sveitarfélaganna á Suðurnesjum.

4. 1008017 - Ársfjórðungsleg skil á upplýsingum úr bókhaldi og reikningsskilum sveitarfélaga.
Bæjarráð felur fjármálastjóra að skila umbeðnum gögnum og leggja jafnframt fyrir bæjarráð.

5. 1008016 - Beiðni um styrk vegna nýsköpunarkeppni grunnskóla
Grunnskóli Grindavíkur tekur ekki þátt í verkefninu. Bæjarráð sér sér ekki fært að verða við erindinu.

6. 1008015 - Flutningur á málefni fatlaðra til sveitarfélaga.
Bæjarráð tilnefnir bæjarstjóra í verkefnisstjórnina.

7. 1008008 - Ólögleg förgun á gleri.
Lagt fram.

8. 1008012 - Frá Launanefnd sveitarfélaga vegna kjaradeilu við Landssamband slökkviliðs- og sjúkraflutningamanna
Lagt fram.

9. 1008022 - Skólavist fatlaðra barna utan lögheimilissveitarfélags.
Bæjarráð samþykkir erindið.

10. 1007015 - Umsókn um námsvist utan lögheimilissveitarfélags.
Bæjarráð samþykkir erindið.

11. 0809029 - Samningur Skólamatur
Bæjarráð samþykkir að gera þriggja ára samning við Skólamat ehf um rekstur mötuneytis fyrir Grunnskóla Grindavíkur á grundvelli fyrirliggjandi tilboðs.
Bæjarráð samþykkir að hækka gjald vegna skólamats úr 200 í 220 kr. frá og með 1. september næstkomandi.
Bæjarstjóra falið að undirrita samninginn.

12. 1008005 - Umsókn um starf
Bæjarráð þakkar fyrir bréfið, en sem stendur eru engin laus störf hjá bæjarfélaginu.

13. 1008021 - Hagir og líðan ungs fólks 2010
Bæjarráð vísar skýrslunni til umsagnar í félagsmálaráði, íþrótta- og æskulýðsnefnd og fræðslu- og uppeldisnefnd.
Forstöðumenn stofnanna eru hvattir til að kynna skýrsluna fyrir starfsfólki.

14. 1008014 - 612.fundur haldin í stjórn Sambands sveitarfélaga á Suðurnesjum.
Fundargerðin er lögð fram.

15. 1008013 - 32.aðalfundur Sorpeyðingarstöðvar Suðurnesja sf.
Hörður Guðbrandsson, formaður stjórnar Sorpeyðingarstöðvar Suðurnesja kom á fundinn og gerði bæjarráði grein fyrir stöðu mála.

Fleira ekki gert. Fundi slitið kl. 18:50