Jón Fanndal Bjarnþórsson pípulagningameistari er einn af mörgum Grindvíkingum sem fitla við tónlist í frítímanum án þess að hafa hátt um það. Hann gerði sér lítið fyrir á dögunum og samdi bæði lag og texta sem ber heitið Sjóarinn síkáti til heiðurs sjómannahátíðinni í Grindavík, skellti sér í hljóðver og hefur nú gefið út lagið á vefnum Tónlist.is.
Að sögn Jóns var hugmyndin fyrst og fremst að senda lagið í sjómannalagakeppni Rásar 2 en hún tengist sjómannadagshátíðarhöldum í Reykjavík. Hvort sem það var því að kenna eða ekki að lagið ber nafnið Sjóarinn síkátí, sem vísar beint í sjómanna- og fjölskylduhátíðina í Grindavík, þá fékk lagið ekki náð fyrir augum Rásar 2 og var ekki tekið inn í keppnina. Jón Fanndal segir að það hafi verið sér mikil vonbrigði.
,,Ég tók lagið upp í hljodver.is. Það var gaman að prófa og fara í stúdíó og setjast fyrir framan hljóðnema og syngja eigið lag. Það er meira en að segja það. Þetta lag liggur ágætlega, hljómasamsetningin gengur upp og ég hef fengið mjög jákvæð viðbrögð," segir Jón Fanndal sem hefur samið nokkur lög en þetta er það fyrsta sem hann tekur upp.
Lagið er hægt að nálgast hér á vef Tónlistar.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
