Ólafur Örn Bjarnason ráđinn ţjálfari Grindavíkur - Samkomulag í höfn viđ Brann

  • Fréttir
  • 29. maí 2010
Ólafur Örn Bjarnason ráđinn ţjálfari Grindavíkur - Samkomulag í höfn viđ Brann

Knattspyrnudeild Grindavíkur hefur ráðið Ólaf Örn Bjarnason sem þjálfara liðsins til næstu fjögurra ára og verður Milan Stefán Jankovic aðstoðarþjálfari hans. Þá hefur Grindavík komist að samkomulagi við norska félagið Brann þar sem Ólafur Örn hefur leikið undanfarin sjö ár við góðan orðstír.

Viðræður við Brann gengu mjög vel og ljóst að Ólafur Örn nýtur mikillar virðingar hjá félaginu sem vildi greiða götu hans þrátt fyrir afar erfiða stöðu en Brann krafðist ekki krónu fyrir Ólaf Örn en samningur hans við félagið rennur út næsta haust.

Samkomulagið við Brann felst í því að hann verður bæði þjálfari Grindavíkur og leikmaður Brann þangað til í lok júlí. Ólafur spilar með Brann ákaflega þýðingamikinn leik gegn Álasundi 6. júní en Brann er í næst neðsta sæti norsku deildarinnar og í mikilli fallbaráttu. Hlé er gert í norsku deildinni eftir þann leik í mánuð og kemur Ólafur Örn þá heim og tekur við Grindavíkurliðinu. Í júlí fer hann aftur til Noregs og mun hann spila fjóra leiki með Brann, þann síðasta gegn Sandefjord 25. júlí en eftir þann leik kemur hann alfarið heim til Grindavíkur og mun jafnframt leika með liðinu eftir það. Þar sem félagaskiptaglugginn í Noregi opnar ekki fyrr en 1. ágúst getur Brann ekki fengið til sín nýjan varnarmann í stað Ólafs Arnar fyrr en þá og því varð þetta niðurstaðan í viðræðum félaganna.

Stjórn knattspyrnudeildar Grindavíkur þakkar Brann fyrir gott samstarf og er það jafnframt vilji beggja félaga að halda því áfram báðum félögum til hagsbóta á ýmsan hátt.

Með ráðningu Ólafs Arnar er knattspyrnudeild Grindavíkur að horfa til framtíðar og þess vegna var ákveðið að fara þessa leið. Ólafur Örn er 35 ára, hann Grindvíkingur og lék 135 leiki með félaginu á sínum tíma og skoraði 18 mörk. Þá lék hann með Malmö 1998 til 2000 (23/2) og hefur leikið 28 A landsleiki.

Fyrsti leikur Grindavíkur undir stjórn Ólafs Arnar verður því gegn Breiðablik mánudaginn 14. júní nk. Milan Stefán Jankovic aðstoðarþjálfari mun stýra Grindavík í næstu þremur leikjum, gegn FH, Þór og ÍBV. 

Deildu ţessari frétt

AĐRAR FRÉTTIR

Tónlistaskólafréttir / 10. desember 2018

Nemendur tónlistarskólans komu fram viđ tendrun jólatrés

Grunnskólafréttir / 7. desember 2018

Snjókarlagerđ í núvitund

Grunnskólafréttir / 6. desember 2018

Vilhjálmur Árnason rćddi orkumál viđ nemendur

Fréttir / 5. desember 2018

Jólatónleikar kórs Grindavíkurkirkju

Fréttir / 30. nóvember 2018

Matseđill nćstu viku í Víđihlíđ

Grunnskólafréttir / 28. nóvember 2018

4. bekkur í Norrćna húsinu

Fréttir / 28. nóvember 2018

Atvinna - Stađa verkamanns laus til umsóknar

Fréttir / 27. nóvember 2018

Skáldagyđjur í heimsókn á bókasafninu

Fréttir / 26. nóvember 2018

Fjörugur föstudagur á Hafnargötunni

Fréttir / 23. nóvember 2018

Fullveldishátíđ Suđurnesja

Fréttir / 22. nóvember 2018

Matseđill nćstu viku í Víđihlíđ

Nýjustu fréttir 11

Nemendur tónlistarskólans héldu glćsilega jólatónleika

  • Tónlistaskólafréttir
  • 10. desember 2018

Matseđill nćstu viku í Víđihlíđ

  • Fréttir
  • 7. desember 2018

Jólatónleikar Tónlistarskólans

  • Tónlistaskólafréttir
  • 7. desember 2018

8. bekkur las fyrir 2. bekk

  • Grunnskólafréttir
  • 6. desember 2018

Ađventustund í kirkjunni

  • Fréttir
  • 5. desember 2018

Fyrsta helgi í ađventu í Grindavík

  • Fréttir
  • 30. nóvember 2018

Krossljósastund á sunnudaginn

  • Fréttir
  • 28. nóvember 2018