Nú styttist óðfluga í Sjóarann síkáta í Grindavík. Dagskráin fer í prentun í dag og verður birt hér á heimasíðunni á morgun. En til að halda áfram að hita upp er rétt að fara yfir þær hljómsveitir og tónlistarviðburði sem verða og er óhætt að segja að þar sé landslið skemmtikrafta á ferð.
Á fimmtdagskvöldinu verða tónleikar á Mamma mía með hljómsveitinni Ourlives sem hafa vakið mikla athygli að undanförnu.
Á bryggjuballinu á föstudagskvöldinu verða Ingó og Veðurguðirnir, vinsælasta hljómsveit Íslands í dag. Jafnframt verða hina stórskemmtilegur Dúkkulísur og þá verður gindvíska hljómsveitin Nói.
Sú hljómsveit sem skotið hefur hvað hraðast upp á stjörnuhiminninn upp á síðkastið eru Hvanndalsbræður sem slógu í gegn í forkeppni Eurovision. Þeir eru nýbúnir að gefa út disk og verða með útgáfutónleika í Salthúsinu.
Hinir einu og sönnu grindvísku Geimfarar verða á Lukku-Láka, Sibbi og Daddi lofa villtu stuði. Geimfararnir verða einnig í íþróttahúsinu á laugardagskvöldinu þegar þeir spila í pásu fyrir hljómsveitina í svörtum fötum sem leikur fyrir dansi þar sem búast má við mikilli aðsókn.
Á laugardagskvöldinu verða Blues-tónleikar á Salthúsinu með Klass Aart og Mood og síðan verður dansleikur með hinni vinsælu hljómsveit Dalton. Á Lukku Láka verður dansleikur með hljómsveitinni Silfur.
Á meðal skemmtikrafta má nefna Friðrik Ómar og Jogvan á hátíðarsviðinu á laugardeginum ásamt Eyrúnu Ösp Grindavíkurmær.
Hina eina og sanna Hera Björk Eurovisionfari sem komast áfram í gærkvöldi, skemmtir á sunnudeginum og Guðrún Gunnarsdóttir skemmtir eldri borgurum í Víðihlíð, svo eitthvað sé nefnt.
Veislunni lýkur svo á sunnudagskvöldið með tónleikum Mannakorna í íþróttahúsinu kl. 20:30. Forsala hófst í gær og fór hún mjög vel af stað.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
