Hin sögufræga hljómsveit Mannakorn hefur ákveðið að efna til mikillar tónlistarveislu sunnudagskvöldið 6. júní kl. 20:30 á í íþróttahúsinu í Grindavík á Sjóaranum síkáta. Mannakorn heldur nú um helgina tvenna tónleika í Háskólabíói í tilefni af útgáfu nýrrar safnplötu og er uppselt á báða tónleikana. Miðasala á tónleikana á Sjóaranum síkáta verður auglýst fljótlega.
Í aðahlutverki verða að sjálfsögðu þeir Magnús Eiríksson og Pálmi Gunnarsson, sem hafa verið kjölfestan í bandinu frá stofnun þess. Einvala lið tónlistarmanna verður þeim til halds og trausts:
Söngur: Ellen Kristjánsdóttir
Gítar: Stefán Magnússon
Trommur: Benedikt Brynleifsson
Slagverk: Ásgeir Óskarssson
Hljómborð: Eyþór Gunnarsson
Hljómborð: Þórir Úlfarsson
Bakraddir: Elísabet Eyþórsdóttir & Ragnheiður Helga Pálmadóttir.
Mannakorn þarf varla að kynna fyrir nokkrum manni. Hljómsveitin gaf út sína fyrstu plötu árið 1976 og í heildina eru frumsamdar plötur nú orðnar 11 talsins. Fjöldi laga af þessum plötum eru orðin hluti af þjóðarsálinni og sannkölluð þjóðareign. Á tónleikunum má reikna með því að flutt verði öll þekktustu lög sveitarinnar og má þar nefna lög á borð við Einhversstaðar einhverntímann aftur, Braggablús, Garún, Gamli skólinn, Víman, Gamli góði vinur, Lilla Jóns, Reyndu aftur, Blús í G og Róninn.
Eins og áður sagði er von á nýrri safnplötu þessa dagana. Um er að ræða afskaplega vandaða og veglega tvöfalda plötu sem inniheldur alla helstu smelli Mannakorna og mun hér vera um að ræða fyrsta skipti sem sveitin gefur út slíka safnplötu.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
