Í dag var fundað um Sjóarann síkáta með ýmsum þeim aðilum sem koma að framkvæmd hátíðarinnar. Á fundinum voru m.a. fulltrúar frá lögreglu, Björgunarsveitinni Þorbirni, Þórkötlu, þjónustumiðstöð bæjarins, tjaldsvæðinu, Saltfisksetrinu, Sjómanna- og vélstjórafélaginu og ýmsum fleirum.
Undirbúningur fyrir hátíðina gengur vel en aðalhátíðarsvæðið verður í Hafnargötunni og við Saltfisksetrið líkt og undanfarin ár. Á fundinum var m.a. rætt um skipulagningu göngunnar á föstudagskvöldinu sem að þessu sinni verður kl. 20. Einnig var rætt um staðsetningu klósettgáma, sölubása, athvarf unglinga, tjaldsvæðið, upplýsingakort af hátíðarsvæðinu og ýmislegt fleira.
Farið var yfir drög að dagskránni sem nú er í vinnslu og er ljóst að hún verður glæsileg.
Athygli er vakin á því að frestur til að skrá sig á hátíðina með skemmtiatriði, sýningar og uppákomur rennur út 10. maí nk. Vinsamlegast sendið fyrirspurnir á sjoarinn@sikati.is
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
