Safnahelgi verður á Suðurnesjum dagana 13. til 14. mars nk. en þá er ókeypis á öll söfn á Suðurnesjum. Dagskrá safnahelgarinnar má nálgast hér. Jafnframt er boðið upp á sameiginlega dagskrá en þar má nefna tónleika inni á söfnum, sýningar, fyrirlestrar og margs konar uppákomur. Hér er í boði fjölbreytt menningardagskrá ásamt freistandi tilboðum um veitingar og afþreyingu fyrir alla fjölskylduna. Grindavík lætur ekki sitt eftir liggja enda menningarvika einnig að byrja á laugardaginn.

Dagskrá safnahelgar í Grindavík er þessi:

Saltfisksetur Íslands. Hafnargötu 12a. Laugardagur og sunnudagur kl. 11:00 - 18:00. „Lífið er saltfiskur". Saltfiskmyndasýning Ólafs Rúnars Þorvarðarsonar kennara.
Saltfiskuppskriftakeppni í samvinnu við félagið Matur - saga - menning. Uppskriftir skal senda á matarsetur@matarsetur.is. Skilafrestur er til 22. mars. Vinningar í boði fyrir þrjár bestu uppskriftirnar. Handverkssýning í listsýningarsal.
Formleg opnun menningarviku Grindvíkinga. Laugardag kl. 14:00. Tónlist, hljóðklæðning ljóða, afhending menningarverðlauna. Kaldalónstónleikar. Laugardag kl. 20:30. Grindvískir tónlistarmenn flytja lög Sigvalda Kaldalóns.

Bryggjan. Kaffihús, Miðgarði 2. Útgerðar- og sjómannasýning með munum og myndum.
Kl. 15:00, 17:00, 19:00 og 21:00 verður sýnd myndin Legið fyrir lúðu e. Ólaf Rúnar Þorvarðarson sem sýnir frá ferð þriggja Grindvíkinga á lúðuveiðar.

Bókasafnið. Víkurbraut 62. Laugardag kl. 11:00 - 13:00. Draumaráðningar og spáð í bolla.

Grindavíkurkirkja. Sunnudag kl. 17:00. Tónleikar með sönglögum og aríum e. Purcell.
Flytjendur eru Anna Jónsdóttir sópran, Sophie Schoonjans harpa og Örnólfur Kristjánsson selló.
Aðalbraut. Víkurbraut 31. Lopapeysusýning. Saga prjóns rakin á myndrænan hátt. Gerð verður grein fyrir bátum sem voru gerðir út frá Þórkötlustaðanesi 1935-1948, eigendum og skipstjórum þeirra, ískofanum og lifrarbræðslunni.

Listastofa Helgu Kristjánsdóttur. Vörðusundi 1. Opin vinnustofa laugardag og sunnudag kl. 13:00 - 17:00.

Salthúsið Restaurant. Stamphólsvegi 2. Boðið upp á verðlaunauppskrift saltfiskuppskriftakeppninnar
2009. Tilboð á saltfiskréttum. Tónleikar. Sunnudagur kl. 21:00. Fram koma: Óskar Kristinn Vignisson gítar og söngur, Finnbjörn Benónýsson gítar og klarinett, Albert Halldórsson trommur og söngur. Harpa Flóvents píanó og Margrét Erla Þorláksdóttir söngur. „Hópreið Lemúranna." Hópur landsþekktra flytjenda úr hinni fornfrægu hljómsveit Júpíter. Bræðingstónlist úr öllum heimshornum þar sem kennir margra og m.a. geimrænna áhrifa.

Veitingastofan Vör. Tilboð á humarsúpu.