Alls voru 129 manns á atvinnuleysisskrá í Grindavík í febrúar, 73 karlar og 56 konur samkvæmt tölum frá Vinnumálastofnun Suðurnesja, sem er um 6%. Til samanburðar voru 132 atvinnulausir í janúar, 127 í desember en frá því í mars á síðasta ári hafa um og yfir 100 manns verið á atvinnuleysisskrá.
Atvinnuleysi á Suðurnesjum var 15% í febrúar síðastliðnum og jókst um 0,5% frá mánuðinum á undan. Meðalfjöldi atvinnulausra var 1.628 eða 974 karlar og 654 konur. Alls eru 1,814 skráðir atvinnulausir á Suðurnesjum í dag en rétt er að geta þess hluti þeirra er í hlutastörfum á móti bótum.
Skráð atvinnuleysi í febrúar var 9,3% á landinu öllu eða að meðaltali 15.026 manns og eykst atvinnuleysi um 2,2% að meðaltali frá janúar eða um 321 manns. Á sama tíma á árinu 2009 var atvinnuleysi 8,2% eða 13.276 að meðaltali.
Atvinnuleysið er 9,9% á höfuðborgarsvæðinu en 8,2% á landsbyggðinni. Mest er það á Suðurnesjum 15% en minnst á Vestfjörðum 3,6%. Atvinnuleysið er 10,2% meðal karla og 8,1% meðal kvenna.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
