Fullt var út úr dyrum á fjölskylduhátíð heilsuleikskólans Króks síðasta föstudag þegar leikskólinn bauð foreldrum og öðrum aðstandendum barnanna að koma og kynnast starfinu með því að aðstoða á leiksvæðum og að leika sér með börnunum. Boðið var upp á leik og þrautir í málörvun, stærðfræði, vísindum, listum, hreyfingu auk ýmissa leiktilboða. Að sjálfsögðu var svo boðið upp á afmæliskökur sem runnu ljúflega niður.
Markmið dagsins var að eiga góða samveru þar sem allir leika og læra og var ekki annað að sjá en að pabbar, mömmur, afar, ömmur, frændur, frænkur, systkin, börn og starfsfólk hefðu gagn og gaman af.
,,Þetta er í annað sinn sem haldin er slík hátíð hér og erum við mjög þakklát fyrir hversu vel foreldrarnir taka þátt í þessu með okkur og teljum þessa hátíð góða leið fyrir okkur að kynna starfið og efla samskiptin. Við, starfsfólkið á Króki sitjum eftir með gleði í hjarta og þakklæti fyrir ánægjulegan dag,"segir á heimasíðu skólans. Fleiri myndir á http://krokur.skolar.is/Myndasafn/856/default.aspx#
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
