Þriðjudaginn 9. febrúar kl. 20:00 verður kynningarfundur, í grunnskólanum, á niðurstöðum rannsókna um hagi og líðan grunnskólabarna í Grindavík. Um er að ræða niðurstöður úr könnun sem framkvæmd var sl. vor í 5. - 10. bekk. Niðurstöðurnar kynnir Hrefna Pálsdóttir frá Rannsókn og Greiningu. Einnig mun Páll Ólafsson félagsráðgjafi Grindavíkurbæjar vera með erindi um hættur internetsins og ábyrga tölvunotkun.
Helstu staðreyndir eru:
33% barna í 10. bekk segjast drekka áfengi heima hjá öðrum.
Unglingar í Grindavík neyta nánast engra ólöglegra vímuefna fyrir utan hass.
Um 60% stúlkna í 6. bekk (nú 7. bekk) í Grindavík segjast sjaldan, næstum aldrei, eða aldrei verja tíma með foreldrum sínum utan skólatíma.
Um helmingur foreldra drengja í 9. og 10. bekk og um 30% foreldra stúlkna í sömu bekkjum setja ekki neinar ákveðnar reglur um hvað börnin mega gera utan heimilis.
21% drengja í 9. og 10. bekk finnst námið tilgangslaust. Landsmeðaltalið er 11%.
11% nemenda í 10. bekk verja meira en 4 klst. að jafnaði á dag til að spila tölvuleiki á netinu.
33% drengja í 6. bekk (nú 7. bekk) segja það vera frekar eða mjög erfitt að fá ráðleggingar varðandi námið hjá foreldrum sínum.
50% drengja í 5. bekk (nú 6. bekk) langar oft eða alltaf til að hætta í skólanum.
Fjöldi barna hefur lesið niðrandi ummæli um sig á netinu og líður illa út af því.
Um 80% heimila sem hafa tölvur nota ekki búnað sem hindrar börn í að komast yfir óæskilegt efni á internetinu.
Rannsóknir sýna að afar mikið er um það að skiptst er á klámi á Netinu. Eru skrár vísvítandi skýrðar röngum nöfnum til að fá fólk til að sækja þær. Skrár með heitinu Bangsimon eða Pókemon hafa reynst innihalda klámefni.
Viltu vita meira?? Mættu þá á fundinn og láttu þig líðan barna og ungmenna í Grindavík skipta.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
