392. fundur bæjarstjórnar Grindavíkur haldinn  í bæjarstjórnarsal, miðvikudaginn 20. janúar 2010 og hófst hann kl. 17:00

Fundinn sátu:
Hörður Guðbrandsson, Sigmar Júlíus Eðvarðsson, Garðar Páll Vignisson, Petrína Baldursdóttir, Guðmundur L. Pálsson, Björn Haraldsson, Gunnar Már Gunnarsson,

Fundargerð ritaði:  Jón Þórisson, fjármálastjóri

Í upphafi fundar biður forseti fundarmenn að rísa úr sætum og minnast Ólafs Benónýs Guðbjartssonar og sendir fjölskyldu hans samúðarkveðjur um leið og Ólafi eru þökkuð vel unnin störf í þágu Grindavíkurbæjar.

Dagskrá:

1. 0911033 - Fundargerð hafnarstjórnar nr. 391.

Til máls tóku: Guðmundur og Gunnar Már
Fundagerðin lögð fram til kynningar á fundi bæjarstjórnar nr. 392.

2. 1001039 - Fundagerð Hafnarstjórnar nr. 392

Til máls tóku: Guðmundur og Gunnar Már
Fundagerðin lögð fram til kynningar á fundi bæjarstjórnar nr. 392.

3. 1001040 - Fundagerð Hafnarstjórnar nr. 393.

Til máls tóku: Guðmundur og Gunnar Már
Fundagerðin lögð fram til kynningar á fundi bæjarstjórnar nr. 392.

4. 1001026 - Útsending á vef UMFG frá bæjarstórnarfundum.

Til máls tóku: Guðmundur, Petrína, Sigmar og Garðar

Tillaga
Bæjarstjórn Grindavíkur felur kerfisstjóra Grindavíkurbæjar og upplýsinga- og þróunarfulltrúa að kanna möguleika á útsendingu bæjarstjórnarfunda á heimasíðu Grindavíkurbæjar.
Greinargerð
Bæjarstjórn þakkar körfuknattleiksdeild UMFG sýndan áhuga. Bæjarstjórn telur eðilegt að fundir bæjarstjórnar séu sendir út á heimasíðu bæjarins.
                           Tillagan er samþykkt samhljóða
 
5. 1001009 - Sameignarsamningur að óskiptu landi Jarngerða og Hópstorfu

Til máls tóku: Guðmundur, Gunnar Már og Hörður

Bæjarstjórn felur bæjarráði fullnaðarafgreiðslu samningsins og felur bæjarastjóra að undirrita samninginn með þeirri breytingu að inn í 6. gr. komi ákvæði sem tryggi að 4/5 hluta atkvæða þurfi til breytinga á aðalfundi.
                        Samþykkt samhljóða

6. 1001008 - Umsókn um leyfi til niðurrifs byggingar að Ægisgötu 4 í Grindavík

Enginn tók til máls

Bæjarstjórn samþykkir leyfi til niðurrifs með sömu skilmálum og skipulags- og byggingarnefnd.

7. 0912053 - Tillaga fjárhagsnefndar S.S.S. að fjárhagsáætlunum.

Til máls tók: Hörður

Bókun
Fram kemur í áætluninni að heildarhlutur Grindavíkurbæjar vegna sameiginlegra málefna SSS er 59.960.000 kr.
                                           Áætlunin er samþykkt samhljóða

8. 0912010 - Fastur ökutækjastyrkur starfsmanna Grindavíkurbæjar

Til máls tóku: Guðmundur, bæjarstjóri, Petrína, Gunnar Már, Garðar, Björn og Sigmar

Tillaga
Bæjarstjóra falið að segja upp föstum akstursamningum við starfsmenn sem eru með meira en 300 km. á mánuði. Bæjarstjóra falið að koma með tillögur til bæjarfulltrúa fyrir 15. febrúar nk.
                            Tillagan er samþykkt samhljóða

9. 0912009 - Tekjuviðmið 2010 vegna afsláttar elli- og örorkulífeyrisþega á fasteignaskatti og fráveitugjaldi

Til máls tók: Gunnar Már

Tillaga
Lagt er til að tekjuviðmið vegna afsláttar elli- og örorkulífeyrisþega á fasteignaskatti og fráveitugjaldi hækki um 2% frá fyrra ári og verði eftirfarandi:

Tekjuviðmið vegna afsláttar á álagningu 2010 (tekjur ársins 2009)

Einstaklingar           Lækkun
 
        0 - 2.386.704   100%
2.386.705 - 2.724.039    75%
2.724.040 - 2.871.626    50%
2.871.627 - 3.012.073    25%
3.012.074 og hærra        0%

Hjón                   Lækkun
 
        0 - 3.582.738  100%
3.582.739 - 4.089.105   75%
4.089.106 - 4.310.643   50%
4.310.644 - 4.521.468   25%
4.521.469 og hærra       0%

Tillagan er samþykkt samhljóða

10. 0912004 - Tilfærsla á þjónstu við fatlaða frá ríki til sveitarfélaga.

Til máls tóku: Guðmundur, Petrína, Garðar, Hörður og Sigmar

Tillaga
Lagt er til að skipa í nefnd um flutning á þjónustu við fatlaða frá ríki til sveitarfélaga á bæjarráðsfundi.
                                               Samþykkt samhljóða

11. 0911095 - Álagningarreglur fasteignagjalda 2010

Til máls tóku: Bæjarstjóri, Guðmundur, Garðar og Sigmar

Tillaga fyrir árið 2010
1. Fasteignaskattur
1.1. Íbúðarhúsnæði (a-liður)........ 0,24% af fasteignamati húss og lóðar
1.2. Opinberar byggingar (b-liður).. 1,32% af fasteignamati húss og lóðar
1.3. Annað húsnæði (c-liður)........ 1,60% af fasteignamati húss og lóðar
2. Holræsagjald
2.1. Íbúðarhúsnæði (a-liður)........ 0,13% af fasteignamati húss og lóðar
2.2. Opinberar byggingar (b-liður).. 0,25% af fasteignamati húss og lóðar
2.2. Annað húsnæði (c-liður)........ 0,25% af fasteignamati húss og lóðar
3. Vatnsgjald
3.1. Íbúðarhúsnæði (a-liður)........ 0,14% af fasteignamati húss og lóðar
3.2. Opinberar byggingar (b-liður).. 0,19% af fasteignamati húss og lóðar
3.3. Annað húsnæði (c-liður)........ 0,17% af fasteignamati húss og lóðar
3.4. Aukavatnsgjald................. 10 kr/m3 vatns
4. Sorphreinsunargjald/Tunnuleiga
4.1. Íbúðarhúsnæði.................. 9.000 kr. tunnu pr. ár
5. Sorpeyðingargjald
5.1. Íbúðarhúsnæði.................. 21.500 kr. tunnu pr. ár
6. Lóðarleiga
6.1. Íbúðahúsalóðir................. 0,88% af fasteignamati lóðar
6.2. Lóðir v. opinberra bygginga.... 2,00% af fasteignamati lóðar
6.3. Lóðir v. annað húsnæði......... 1,00% af fasteignamati lóðar
7. Rotþróargjald
7.1. Rotþróargjald.................. 5.000 kr. pr. rotþró pr. ár
8. Fjöldi gjalddaga 10
 1/2, 1/3, 1/4, 1/5, 1/6, 1/7, 1/8, 1/9, 1/10 og 1/11 2010

Tillagan er samþykkt samhljóða

12. 0911094 - Gjaldskrá þjónustugjalda 2010

Til máls tóku: Bæjarstjóri og Hörður

Tillaga að gjaldskrá þjónustugjalda árið 2010

Leikskólagjöld                      2010
 Tímagjald                         2.730
 Tímagjald, einstæðir foreldrar    2.060
 Viðbótar 15 mín                     910
 Afsláttarreglur:
 Systkinaafsl. 2. barn 50% af gjaldi
 Systkinaafsl. 3. barn og fleiri, vistun frítt en greitt fyrir mat og hressingu
 Barn í elsta árgangi: 4 tíma vistun frítt, greiðir fyrir mat og hressingu
 
 Hressing (morgun/síðdegi)         1.660
 Hádegismatur                      3.130
 
Gæsluvöllur 2010
 Vistunargjald pr. 4 tíma vistun    200
 
Tónlistarskólagjöld (haust 2010)   2010
 Fullt hljóðfæranám              44.200
 Hálft hljóðfæranám              26.600
 Fullt söngnám                   56.000
 Hálft söngnám                   34.000
 Fullt aukahljóðfæri             24.500
 Hálft aukahljóðfæri             14.500
 Blásarasveit                    10.000
 Hljóðfæraleiga                   3.420
 Afsláttarreglur
 Tónlistarnám grunnskólabarna er án gjaldtöku
 
Sundlaug                           2010
 Stakt gjald barna                    0
 Stakt gjald fullorðinna            350
 10 miða kort, börn                   0
 10 miða kort, fullorðnir         2.000
 30 miða kort börn                    0
 3 mánaða kort fullorðnir         5.000
 Árskort, fullorðnir             15.000
 Árskort fjölskyldu              30.000
 
Leikjanámskeið                     2010
 Vikunámskeið                     2.000
 Tveggja vikna námskeið           3.000
 Afsláttarreglur
 Systkinaafsláttur 50%
 Vikunámskeið                     1.000
 Tveggja vikna námskeið           1.500
 
Slökkvilið                         2010
 Útseld vinna, pr. tími           3.220
 Dælubíll                         4.680
 Lausar dælur                     2.850
 
Bókasafn                           2010
 Leiga á myndbandi                  170
 Leiga á snældu                      70
 Leiga á tungumálanámsk.            220
 Sekt, bækur, pr. byrjuð vika        70
 Sekt, námsk., pr. byrjuð vika       70
 Sekt á myndband                    170
 Sekt á snældu                       70
 Internet, fyrstu 15. mín           120
 Internet, 15. mín eftir það         70
 
Vegna grunnskóla                   2010
 Heimanámsaðstoð                    270
 Vistun utan skólatíma              210
 Skólamáltíðir í áskrift            200
 
 Leigugjald, afnot grunnskóla óbreytt frá fyrra ári.

Tillagan er samþykkt samhljóða

13. 0807032 - Umsókn um uppsetningu búnaðar fyrir farsíma.

Til máls tók: Hörður

Samþykkt samhljóða

14. 0808035 - Skólastjóri leikskólans Lautar, ráðning

Til máls tóku: Gunnar Már og Hörður

Tillaga
Bæjarstjórn samþykkir að framlengja núverandi ráðningarsamning Albínu Unndórsdóttur sem leikskólastjóra Lautar ótímabundið.

Tillagan er samþykkt með 5 atkvæðum, Petrína og Gunnar Már sitja hjá.

Bókun
Það er bæði einkennilegt og ekki að sjá þennan lið á dagskrá bæjarstjórnarfundar í janúar þegar ráðningarsamningi lýkur ekki fyrr en 31. ágúst n.k. hjá leikskólastjóra Lautar.
Án þess að vera lasta hennar störf þá er það mín skoðun að það er alltar að verða sýnilegra og sýnilegra með hverjum fundi sem líður hjá þessum nýja meirihluta af hverju slitnaði uppúr síðasta meirihluta.
                                           Gunnar Már Gunnarsson

Bókun
Tímabundin ráðning Albínu Unndórsdóttur var þannig til komin að um samkomulag B og S-lista var að ræða. Þó það væri skoðun S-lista manna að ótímabundin ráðning væri eðlileg enda í samræmi við niðurstöðu fræðslu- og uppeldisnefndar og starfsmannastefnu Grindavíkurbæjar.
                                           Hörður Guðbrandsson

15. 1001038 - Breyting á nefndarskipan bæjarins.

Atvinnumálanefnd
Í stað Jovönu Stefánsdóttur kemur Páll Valur Björnsson sem aðalmaður og Helga Kristjánsdóttir sem varamaður.

Almannavarnarnefnd, fulltrúar Björgunarsveitarinnar
Jón Valgeir Guðmundsson aðalmaður í stað Ólafs Þ.Þorgeirssonar og til vara Björgvin Björgvinsson í stað Boga Adolfssonar.

Samþykkt samhljóða

16. 0904007 - Endurskoðun aðalskipulags Grindavíkur

Til máls tók: Bæjarstjóri

Tillaga
Bæjarstjórn samþykkir kostnaðaráætlanir við gerð aðalskipulags frá  Eflu og Vinnustofunni Þverá.
Bæjarstjórn leggur áherslu á að aðalskipulag klárist fyrir lok apríl. Byggingafulltrúa falið að sækja um endurgreiðslu á kostnaði.
                                               Samþykkt samhljóða

17. 0809017 - Víkurbraut 62 - Skipulag á þriðju hæð

Til máls tóku: Bæjarstjóri, Gunnar Már, Petrína og Sigmar

Bæjarstjórn samþykkir samninginn að fjárhæð 43.606.260 kr. með virðisaukaskatti.
 Samþykkt með 6 atkvæðum, Gunnar Már situr hjá.

18. 0912056 - Minnisblað viðhaldsáætlunar yfir gatnakerfi, unna af Hlaðbær Colas hf.

Bæjarstjórn þakkar fyrir framlag Hlaðbæjar Colas en sér sér ekki fært að verða við erindinu.

19. 0912066 - Varðar dælubrunn við hafnarhús

Til máls tók: Hörður

Bæjarstjórn samþykkir samhljóða að setja upp dælubrunn á hafnarsvæði.

20. 0911089 - Verk- og arkitektaþjónusta vegna skjala- og teikningaumsýslu f. Grindavíkurbæ

Til máls tók: Bæjarstjóri

Bæjarstjórn samþykkir erindið samhljóða.

21. 0911068 - Gangstétt í Asturhópi, Grindavík.

Til máls tóku: Hörður
 
Bæjarstjórn samþykkir samhljóða að veita 12.000.000 kr. til gangstéttagerðar í fjárhagsáætlun 2010.

22. 0911040 - Bæjarlistamaður Grindavíkur

Til máls tók: Hörður

Bæjarstjórn samþykkir reglurnar.
Bæjarstjórn þakkar menningar- og bókasafnsnefnd fyrir vinnu við reglur um tilnefningu bæjarlistamanns Grindavíkur. Ekki er gert ráð fyrir starfsstyrk til bæjarlistamanns í fjárhagsáætlun 2010.
                                              Reglurnar eru samþykktar samhljóða

23. 0911039 - Menningarverðlaun

Bæjarstjórn samþykkir samhljóða reglur um menningarverðlaun Grindavíkur og þakkar nefndinni gerð reglanna.

24. 0911003 - Félagsaðstaða.

Lagt fram.

25. 0910065 - Gæsla vegna íþróttakennslu í grunnskólanum

Bæjarstjórn samþykkir tillögu forstöðumanns íþróttamannvirkja

26. 0910059 - Breytingar á sal bæjarstjórnar.

Bæjarstjórn sér sér ekki fært að verða við erindinu.
Gunnar Már vék af fundi við afgreiðslu málsins.
Samþykkt með 5 atkvæðum, Petrína situr hjá

27. 0910048 - Hugmyndir um samstarf samtakanna Gróður fyrir fólk í Landnámi Ingólfs (GFF) og Grindavíkur árið 2010 og óskir um fjárstuðning það ár.

Bæjarstjórn hafnar erindinu samhljóða.

28. 0910023 - Greiðslur til foreldra í stað leikskólavistar eða dagvistar

Til máls tók: Garðar

Tillaga
Lagt er til að hafna erindinu.
Tillagan er samþykkt með 3 atkvæðum, Petrína og Gunnar Már sitja hjá, Garðar á móti

29. 0908031 - Beiðni um styrk til endurnýjunar glugga á vesturhlið Grindavíkurkirkju.

Til máls tóku: Björn, Garðar og Sigmar

Bæjarstjórn hafnar erindinu með 6 atkvæðum, Petrína situr hjá.

30. 0908030 - Beiðni um áframhald á styrk vegna organista Grindavíkurkirkju.

Bæjarstjórn samþykkir samninginn að fjárhæð kr. 1.840.000

31. 0908029 - Áframhaldandi samstarf Grindavíkurbæjar og Grindavíkurkirkju um æskulýðsstarf.

Bæjarstjórn samþykkir að veita kr. 450.000 til samstarfs Grindavíkurkirkju og Grindavíkurbæjar á árinu 2010, en hafnar að gera samning um æskulýðstarf til þriggja ára með 6 atkvæðum, Björn situr hjá.

32. 0904058 - Skólastefna Grindavíkur- drög að verkáætlun.

Lagt fram.

33. 0910012 - Fjárhagsáætlun 2010

Til máls tóku: Bæjarstjóri, Guðmundur, Petrína, Garðar, Sigmar og Hörður

Bókun
Rekstrarniðurstaða sveitarsjóðs, þ.e. A-hluta er áætluð 233,8 milljón kr. í tap. Vegur þar þyngst að nýr grunnskóli kemur inn í rekstur í fyrsta skipti. Auk þess lækka vaxtatekjur af bankainnistæðu verulega frá árinu 2009. Í samanteknum reikningsskilum er gert ráð fyrir tapi að fjárhæð 296,3 milljónir króna.
Heildareignir í samanteknum reikningsskilum eru áætlaðar í árslok 2010, 7.631,9 milljónir kr. Þar af er áætlað að innlán standi í 2,9 milljörðum kr. í árslok 2010.
Heildarskuldir og skuldbindingar eru áætlaðar 3.036,6 milljónir kr. Þar af er lífeyrisskuldbinding um 415,1 milljón króna. Langtímaskuldir eru áætlaðar 2.258,0 milljónir króna í árslok 2010.
Veltufé frá rekstri í samanteknum reikningsskilum árið 2010 er áætlað 186 milljónir kr.
Fjárfesting í varanlegum rekstrarfjármunum er áætluð 531 milljón króna og afborganir langtímalána eru áætlaðar 250,7 milljónir króna.

Tillaga
Lagt er til að þjónustugjaldskrá hafnarinnar hækki um 10% frá 1. janúar 2010. Auk þess er lagt til að hækka aflagjald úr 1,4% í 1,6% frá 1. febrúar 2010.
                                       Samþykkt samhljóða

Tillaga
Bæjarstjórn leggur til að laun bæjarfulltrúa og nefndarlaun lækki um 10% frá og með 1. febrúar 2010.
                                         Samþykkt samhljóða

Fjárhagsáætlunin er samþykkt samhljóða

34. 1001023 - Þriggja ára áætlun 2011-2013

Til máls tóku: Bæjarstjóri og Gunnar Már

Samþykkt samhljóða að vísa þriggja ára áætlun 2011-2013 til síðari umræðu í bæjarstjórn

35. 0912011F - Skipulags- og byggingarnefnd Grindavíkur - 509

Til máls tók: Hörður

1. liður. Samþykkt samhljóða að veita byggingaleyfi Bakkalág 17

36. 0912006F - Bæjarráð Grindavíkur - 1222

Til máls tóku: Guðmundur og Gunnar Már
Fundagerðin lögð fram til kynningar á fundi bæjarstjórnar nr. 392.

37. 0912009F - Bæjarráð Grindavíkur - 1223

Til máls tóku: Guðmundur og Gunnar Már
Fundagerðin lögð fram til kynningar á fundi bæjarstjórnar nr. 392.

38. 1001002F - Bæjarráð Grindavíkur - 1224

Til máls tóku: Guðmundur og Gunnar Már
Fundagerðin lögð fram til kynningar á fundi bæjarstjórnar nr. 392.

Fleira ekki gert.  Fundi slitið kl. 20:20