Ár 2010, þriðjudaginn 19. janúar var haldinn 64. fundur í menningar- og bókasafnsnefnd Grindavíkur. Fundurinn var haldinn á bæjarskrifstofunni og hófst kl. 16:00
Mætt: Kristín Gísladóttir formaður, Harpa Guðmundsdóttir og Kristín Þorsteinsdóttir. Einnig sat fundinn Kristinn J. Reimarsson frístunda- og menningarfulltrúi sem ritaði fundargerð.
Formaður setti fund og bauð fundarmenn velkomna.
Dagskrá:
1. 0902124 - Bókasafnið
Á fundinn mætti Margrét Gísladóttir forstöðumaður bókasafnsins. Er hún að vinna í ársskýrslu fyrir árið 2009. Fyrstu tölur sýna útlánaaukning og í komu gesta og hutfallslega meiri á milli áranna 2008 og 2009 en á milli 2007 og 2008. Verkefni á vegum safnsins voru fjölmörg á síðasta ári. Margrét sendi inn erindi til bæjarráðs vegna ljósmyndasafns Grindavíkur og bókaði bæjarráð að nota mætti aðstöðu bæjarins í Kvennó til að skanna inn myndir.
2. 0912006 - Til hlutahafa í Landskerfum bókasafna hf. um samþætta leitarvél fyrir Ísland.
Erindi frá bæjarráði. Tilkynning um að verið sé að efla www.gegnir.is og það muni ekki fela í sér aukin kostnað fyrir sveitarfélagið. Nefndin fagnar þessu framtaki.
3. 0911041 - Þrettándagleði 2010
Nefndin sammála um að vel hafi tekist til með hátíðarhöldin í ár en fleira fólk hefði þó mátt mæta í gönguna.
4. 0902123 - Viðburða- og menningardagskrá Grindavíkur
Boðað hefur verið til fundar í Saltfisksetrinu fimmtudaginn 21. janúar kl. 20:00 þar sem til umræðu verður menningarvika Grindavíkur og viðburða- og menningardagskrá. Nefndin hvetur alla áhugasama aðila til að mæta.
5. 0811030 - Menningarvika í Grindavík
Verður 13. - 20 mars. Safnahelgi á Suðurnesjum verður 13. og 14. mars og fellur því inn í menningarviku. Líkt og fyrir ári síðan er markmið að virkja sem flesta menningartengda aðila til að koma fram með sína list. Nefndin mun leggja upp með að dagskrá vikunnar verði með svipuðu sniði og á síðasta ári.
Fleira ekki rætt og fundi slitið kl. 17:00.
Kristín Gísladóttir
Harpa Guðmundsdóttir
Kristín Þorsteinsdóttir