• FRÉTTIR
• þri. 19. jan. 2010

Ár 2010, mánudaginn 18. janúar var haldinn 156. fundur íþrótta- og æskulýðsnefndar Grindavíkur. Fundurinn var haldinn á bæjarskrifstofunni og hófst kl. 16:15.

Mættir voru: Sigurður Enoksson formaður, Pálmar Guðmundsson, Þórunn Erlingsdóttir, Jóna Rut Jónsdóttir og Sigríður Guðmundsdóttir Hammer. Jafnframt sat fundinn Kristinn J. Reimarsson frístunda- og menningarfulltrúi sem ritaði fundargerð.

Sigurður setti fund og bauð fundarmenn velkomna.

Þetta gerðist:

1. 0904012 - Afrekssjóður Grindavíkur og UMFG

Til umræðu er breyting á 2. grein reglugerðar um íþrótta- og afrekssjóð Grindavíkur. Lögð er til breyting á stjórn sjóðsins þannig að sjóðstjórn sé skipuð þremur aðilum, tveimur fulltrúum skipuðum af íþrótta- og æskulýðsnefnd og einum fulltrúa aðalstjórnar UMFG. Samþykkt að senda erindi til UMFG með beiðni um að aðalstjórn UMFG tilnefni mann í stjórn sjóðsins.

2. 0912013 - Íþróttamaður ársins 2009

Samkvæmt 3. grein reglugerðar íþrótta- og afrekssjóðs er markmið sjóðsins, í samráði við stjórn UMFG og önnur íþróttafélög í Grindavík, að taka þátt í árlegri útnefningu og viðurkenningum til þeirra íþróttamanna innan UMFG sem hlotið hafa íslandsmeistaratitla og auk þess vali á iþróttamanni Grindavíkur. Til umræðu eru nýjar verklagsreglur um það hvernig staðið skuli að kjöri á íþróttamanni og íþróttakonu Grindavíkur. Íþrótta- og æskulýðsnefnd fagnar framkomnum verklagsreglum og vísar þeim til umsagnar aðalstjórnar UMFG.

3. 1001041 - Lífshlaupið 2010

Fræðslu- og hvatningarverkefni ÍSÍ. Íþrótta- og æskulýðsnefnd fagnar þessu átaki og hvetur fyrirtæki og einstaklinga í Grindavík til að skrá sig til leiks og fylgja eftir góðri þátttöku og jafnframt góðum árangri í Lífshlaupinu á árinu 2009. Jafnframt samþykkir nefndin að verðlauna þau fyrirtæki í Grindavík sem standa sig best í þessu verkefni og hvetur öll fyrirtæki til að skrá sig til þátttöku og taka þátt í keppni um heilsusamlegasta fyrirtækið í Grindavík.

4. 1001036 - Skotfélagið óskar eftir aðstoð og stuðningi.

Skofélagið Markmið í Grindavík óskar eftir stuðningi bæjaryfirvalda við að koma upp æfingasvæði á landi Grindavíkur. Íþrótta- og æskulýðsnefnd fagnar tilvist nýstofnaðs skotfélags í Grindavík og leggur til við bæjarráð að beiðni félagsins verði mætt á jákvæðum nótum.

Fleira ekki gert. Fundi slitið kl. 17:15

Sigurður Enoksson
Þórunn Erlingsdóttir
Pálmar Guðmundsson
Jóna Rut Jónsdóttir
Sigríður Guðmundsdóttir Hammer.