Mikið er um að vera við undirbúning jólahátíðarinnar ekki síst hjá þeim sem reka verslanir og ýmsa þjónustu. Blómakot var opnað fyrir rúmu ári síðan við Mánagötu en Guðfinna Bogadóttir lét þá gamlan draum rætast að opna blómabúð. Guðfinna svarar hér nokkrum spurningum sem Grindvíkingur vikunnar en þess má geta að hún er einnig í kirkjukór Grindavíkur sem heldur sína árlegu jólatónleika í kvöld í Grindavíkurkirkju.
Nafn? Guðfinna Bogadóttir.
Fjölskylduhagir? Á fjögur börn á aldrinum 17 til 28 ára og 3 barnabörn.
Starf? Vinn í mötuneyti Grunnskólans fyrri hluta dags og svo tekur Blómakot við fram á kvöld.
Uppáhalds-
...maturinn? Humar, sama hvernig hann er matreiddur en hákarlinn klikkar aldrei.
...drykkurinn? Sítrónu kristall en á þessum tíma er malt og appelsín í miklu uppáhaldi hjá mér.
...staðurinn? Stífla Fljótum í Skagafirði í blanka logni og fjöllin speglast í vatninu.
...leikarinn? Ingvar Sigurðsson klikkar sjaldan.
...blómið? Hádegisblóm en afskorið er það fresia.
...liturinn? Ég er nú svolítið græn eða rauð en svart er aldrei langt undan.
...bókin? Nú er það bara söngbókin með jólaprógramminu.
...bíómyndin? Ég get alltaf hlegið jafn mikið af Nothing Hill.
...íþróttamaðurinn? Ólafur Stefánsson.
...liðið? Grindavík, fyrirgefðu Eyþór Atli.
Hvert er þitt lífs mottó? Reyna að njóta lífsins með bros á vör því ekkert er sjálfsagt í lífinu.
Hvað er best við Grindavík? Gott fólk, margt sem maður hefur umgengist alla ævi.
Hvað er vinsælast í Blómakoti fyrir þessi jólin? Kerti, servettur og tilbúnar jólaskreytingar.
Hvað er skemmtilegast við starfið? Fjölbreytt og ég hitti mikið af fólki með ólíkar skoðanir á lífinu og tilverunni.
Hver eru þín helstu áhugamál? Mínar bestu stundir eru þegar ég get sest niður heima, hef tekið þokkalega til og get verið að vinna að einhverjum hannyrðum.
Eitthvað að lokum? Ég er algjört jólabarn og elska allt umstang fyrir jólin, því segi ég GLEÐILEG JÓL til ykkar allra.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
