Ár 2009, mánudaginn 7. desember var haldinn 155. fundur íþrótta- og æskulýðsnefndar Grindavíkur. Fundurinn var haldinn á bæjarskrifstofunni og hófst kl. 16:15.
Mættir voru: Sigurður Enoksson formaður, Pálmar Guðmundsson, Þórunn Erlingsdóttir og Magnús Már Jakobsson, Sigríður Guðmundsdóttir Hammer. Jafnframt sat fundinn Kristinn J. Reimarsson frístunda- og menningarfulltrúi sem ritaði fundargerð.
Sigurður setti fund og bauð fundarmenn velkomna.
Þetta gerðist:
1. 0911034 - Verðskrá fyrir íþróttamannvirki
Borist hefur ný tillaga frá forstöðumanni íþróttamannvirkja um verðskrá fyrir útleigu á mannvirkjum. Nefndin samþykkir þær fyrir sitt leyti og vísar þeim til bæjarráðs til staðfestingar. Nefndin óskar eftir því að forstöðumaður íþróttamannvirkja sendi einnig inn verðskrá fyrir útleigu á sundlaug.
2. 0912012 - Ósk um styrk vegna júdókeppnin í Danmörku.
Samþykkt að styrkja júdódeildina um 200.000 kr. úr Afrekssjóði vegna þessarar ferðar. Sigríður Guðmundsdóttir Hammer vék af fundi við afgreiðslu málsins.
3. 0912013 - Íþróttamaður ársins 2009
Kjörið verður á gamlársdag líkt og fyrir ári síðan. Kjörið verður samstarfsverkefni aðalstjórnar UMFG og stjórnar Afrekssjóðs.
4. 0912014 - Íþróttaskóli barna
Nefndin beinir þeim tilmælum til aðalstjórnar UMFG hvort ekki sé hægt að koma á íþróttaskóla fyrir börn á leiksskólaaldri eftir áramót. Jafnframt beinir nefndin þeim tilmælum til forstöðumanns íþróttamannvirkja að skapa svigrúm í íþróttahúsinu fyrir skólann í samráði við aðalstjórn UMFG og frístunda- og menningarfulltrúa.
5. 0912017 - Bréf knattspyrnu- og körfuknattleiksdeildar UMFG
Borist hefur bréf frá knattspyrnu- og körfuknattleiksdeild UMFG þar sem vakin er athygli á því að nokkuð hafi borið á því að menningar- og íþróttaviðburðir hafi verið að rekast á og fólk hafi því þurft að velja á milli. Vilja bréfritarar kanna hvort ekki sé hægt að finna góða lausn á þessu vandamáli til að forða því að svona árekstar verði, öllum til hagsbóta. Nefndin tekur undir þessi sjónarmið bréfritara og beinir þeim tilmælum til þeirra aðila sem eru að standa fyrir viðburðum í bæjarfélaginu að taka tillit til hvors annars. Leggur nefndin til að viðburðadagatal á heimsíðu bæjarins verði virkjað betur í þessum tilgangi til að koma á framfæri viðburðum í bæjarfélaginu.
Fleira ekki gert. Fundi slitið kl. 17:15
Sigurður Enoksson
Þórunn Erlingsdóttir
Pálmar Guðmundsson
Magnús Már Jakobsson
Sigríður Guðmundsdóttir Hammer.