Ár 2009, þriðjudaginn 10. nóvember var haldinn 61. fundur í menningar- og bókasafnsnefnd Grindavíkur. Fundurinn var haldinn á bæjarskrifstofunni og hófst kl. 15:30

Mætt: Rósa Baldursdóttir, Harpa Guðmundsdóttir og Kristín Gísladóttir. Einnig sat fundinn Kristinn J. Reimarsson frístunda- og menningarfulltrúi sem ritaði fundargerð.

Dagskrá:

1. 0902124 - Bókasafnið. Á fundinn mætti Margrét Gísladóttir forstöðumaður bókasafnsins.

Upplestur verður á Bryggjunni föstudaginn 13. nóvember. Lesið verður upp úr norrænum bókmenntun á norrænum tungumálum. Viðurkenningar til allra barna sem tóku þátt í sumarleik bókasafnsins verða veittar á degi íslenskrar tungu mánudaginn 16. nóvember. Í bígerð er að vera með upplestur úr nýjum bókum í desembermánuði. Til umræðu var einnig aðstöðuleysi bókasafnsins. Samþykkt að óska eftir fundi með bæjarráði vegna málsins.

2. 0910033 - Menningarráð Suðurnesja - umsóknir

Úthlutun styrkja úr menningarráði Suðurnesja fór fram í Saltfisksetrinu fimmtudaginn 5. nóvember sl. Alls var úthlutað 4 milljónum króna til hinna ýmsu verkefna í Grindavík. Að auki tekur Grindavík þátt í sex verkefnum með sveitarfélögunum á Suðurnesjum og hlutu þau verkefni samtals 3,4 milljónir króna. Menningar- og bókasafnsnefnd fagnar auknum hlut Grindvíkinga í úthlutun menningarráðs Suðurnesja og óskar öllum styrkhöfum til hamingju með fengin styrk. Nefndin er þess fullviss að þessar styrkveitingar eigi eftir að blómga Grindavískt menningarlíf til muna.

3. 0911038 - Menningarstefna Grindavíkur

Menningar- og bókasafnsnefnd samþykkir að hefja vinnu við gerð menningarstefnu bæjarins. Nefndin mun halda utan um þá vinnu og kalla til sína aðila úr menningarlífinu til að fá fram mismunandi sjónarmið á menningarlífið. Stefnt er að gerð menningarstefnunnar verði lokið og kynnt í menningarviku 2010.

4. 0911039 - Menningarverðlaun

Í tengslum við fjárhagsætlun fyrir árið 2010 leggur menningar- og bókasafnsnefnd til við bæjarráð að tekin verði upp sú venja að veita árlega viðurkenningar vegna menningarstarfs í bæjarfélaginu. Annars vegar yrði um að ræða viðurkenning til einstaklings eða hópa sem hafa unnið að menningarmálum og hins vegar til fyrirtækis sem stutt hefur við menningarlíf bæjarins með fjárframlögum eða öðru.

5. 0911040 - Bæjarlistamaður Grindavíkur

Menningar- og bókasafnsnefnd leggur til við bæjarráð að tekin verði upp sú venja að útnefna bæjarlistamann Grindavíkur. Slík útnefning getur verið einu sinni eða tvisar á hverju kjörtímabili. Lagt er til að tekið verði tillit til þessa við gerð fjárhagsáætlunar fyrir árið 2010 og fyrsta útnefning verði á því ári.

6. 0911041 - Þrettándagleði 2010

Rætt um framkvæmd hátíðarinnar. Fyrirkomulag verður með svipuðu sniði og undanfarin ár.

Fleira ekki rætt og fundi slitið kl. 16:30.

Rósa Signý Baldursdóttir
Harpa Guðmundsdóttir
Kristín Gísladóttir

• Síðast uppfært: 11. nóvember 2009