Undankeppni SAMSUÐ fyrir Stíl 2009 var haldin í Sandgerði sl. föstudag.  Alls tóku þátt 9 lið og þar af tvö frá Grindavík. Eitt lið frá hverri félagsmiðstöð kemst svo í lokakeppnina sem fram fer í Vetrargarðinum í Smáralindinni 21. nóvember n.k.

Það voru Slaufurnar, þær Lára Lind og Þórdís sem komast áfram f.h. Þrumunnar. Þær hönnuðu kjól úr morgunblöðum, bundin í bakið og regnhlíf þakin morgunblöðum. Hárgreiðslan var fastar fléttur og snúður, fullt af glimmeri og dagblöð fest á neglur, hendur og fætur.  Þær hönnuðu svo skart við kjólinn.  Lára Lind var módel og Þórdís sá um förðun og hárgreiðslu og saman komu þær að hönnuninni.

Hitt liðið frá Grindavík kallaði sig fiðrildin. Þær hönnuðu kjól úr gömlu laki með litríkum fiðrildum á og skartgripir voru úr fiðrildum. Í þessu liði voru þær Birta Rós sem var módel, Erla sem sá um hár og Edda sem sá um förðun.  Saman sáu þær um hönnun. 

Bæði lið stóðu sig með miklum sóma. Hér fylgja með tvær myndir en von er á fleiri myndum á næstu dögum.

 

Módelin

Bæði lið að keppni lokinni.