Hannyrða-, tómstunda og gjafavöruverslunin Aþena opnaði að Hafnargötu 6 um miðjan mars. Þrátt fyrir að vera ekki á mörgum fermetrum hefur verslunin glettilega mikið úrval. Eigendur Aþenu eru Pétur Breiðfjörð Reynisson, Elín Vilbergsdóttir og Sæmundur Halldórsson og hafa þau farið nýjar leiðir í innflutningi á lopa.
,,Við í versluninni Aþenu höfum verið að stækka mikið við okkur að undanförnu þó að húsnæðið sé frekar lítið eins og er. Nú í dag vorum við að taka inn færeyskan lopa með mikilli gleði þar sem að Færeyingar eru jú bestu vinir okkar Íslendinga. Við erum eina verslunin á Suðurnesjum með þessa vöru og ein af þremur sem hafa fengið færeyska lopan í sölu ef höfuðborgarsvæðið er meðtalið hér á skaganum. Við höfum flutt inn vinsælt ullarband frá Danmörku sem er selt í tveimur öðrum verslunum á Íslandi svo vitað sé. Einnig höfum við flutt inn tölur frá Kína og erum við að bjóða verð á tölum sem er fjórðungi ódýrara en gerist og gengur því varan er milliliðalaus frá framleiðanda og leyfum við kúnnanum að njóta þess," segir Pétur.
Verslunin hefur vakið athygli á Suðurnesjum og víða á skömmum tíma án nokkurrar auglýsingar. Pétur segir mörg dæmi um heimsóknir frá Suðurnesjum, Reykjavík, Hveragerði og Selfossi.
,,Einnig má nefna að við höfum verið að senda vörur í póstkröfu og að fólk hringir annars staðar frá til að láta taka vöru frá þar sem að varan fæst ekki annarsstaðar. Við erum nú í samstarfi við Aðalbraut með prjónakaffi og er næsta prjónakaffi laugardaginn 24. október kl. 10 í Aðalbraut. Þar mun höfundur bókarinnar Hlýjar Hendur koma og kynna bók sína," sagði Pétur að endingu.
Fyrir utan lopa og garn býður verslunin upp á heklunálar, ísaummyndir, bocilla, rennilása, tölur, tvinna, perlur, málningarmyndir, skafmyndir, plastmódel, sængurfagnað og ýmislegt handverk fyrir fólk á öllum aldri. Einnig er boðið upp á sokka, nærföt, boli og fleira fyrir herrann, dömuna og á börnin.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
