Eftir eitt ár verður hafin framleiðsla á metanóli í verksmiðju í Svartsengi, í landi Grindavíkur, gangi áform eftir. Til þess verður nýttur koltvísýringur úr útblæstri virkjunar HS Orku og þannig framleitt eldsneyti á bíla. Bandarísk-íslenska eignarhaldsfélagið Carbon Recycling International tók í dag skóflustunguna að fyrstu metanólverksmiðjunni sem reist hefur verið í viðskiptalegum tilgangi í heiminum, að því er segir í tilkynningu frá félaginu.
Í fyrsta áfanga verða framleiddar ríflega tvær milljónir tonna af metanól með því að nýta þrjár milljónir tonna af koltvísýringi í útblæstri frá virkjuninni í Svartsengi. Verksmiðjan á að verða tilbúin eftir eitt ár og þá verður allt bensín sem selt verður á stöðvum Olís blandað metanóli. Farartæki knúin með þessu eiga að menga minna.
Unnið hefur verið að verkefninu síðastliðin þrjú ár og kostnaðurinn við verksmiðjuna er um einn milljarður króna.
Hörður Guðbrandsson, forseti bæjarstjórnar, var einn af þeim aðilum sem tók fyrstu skóflustunguna. Þá færði hann K. C. Tran, forstjóra CRI, mynd af Grindavíkurbæ að gjöf í tilefni dagsins. Á meðal fjölmargra viðstaddra við skóflustunguna voru Ólafur Ragnar Grímsson, forseti Íslands, og Georg Olah, nóbelsverðlaunahafi í efnafræði 1994 sem fer fyrir ráðgjafaráði fyrirtækisins.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
1,2 °C
