Ár 2009, þriðjudaginn 13. október var haldinn 60. fundur í menningar- og bókasafnsnefnd Grindavíkur. Fundurinn var haldinn á bæjarskrifstofunni og hófst kl. 16:00

Mætt: Rósa Baldursdóttir, Harpa Guðmundsdóttir og Kristín Gísladóttir. Einnig sat fundinn Kristinn J. Reimarsson frístunda- og menningarfulltrúi sem ritaði fundargerð.

Dagskrá:

1. 0902124 - Bókasafnið

Á fundinn mætti Margrét Gísladóttir forstöðumaður bókasafnsins.

Norræna bókasafnsvikan verður 9. - 15. nóv. Þema vikunnar er stríð og friður. Bækur er snerta þetta þema munu liggja frammi til sérstakrar kynningar. Skoðað verður hvort hægt sé að vera með upplestur á norrænum tungumálum í samvinnu við veitingahús í bænum.
Dagur íslenskrar tungu verður 16. nóv. Margrét mun athuga með að bjóða upp á upplestur á safninu þennan dag.

2. 0910033 - Menningarráð Suðurnesja - umsóknir

Á fundinn mætti Inga Þórðardóttir, skólastjóri tónlistarskólans.

Kristinn fór yfir þær umsóknir sem sendar verða inn til menningarráðs.

Menningarfulltrúar sveitarfélaganna á Suðurnesjum mun senda inn fimm sameiginlegar umsóknir. SamSuð eina umsókn og ein sameiginleg kemur frá bókasöfnum á Suðurnesjum. Haft hefur verið samband við nokkra aðila og þeir hvattir til að senda inn umsóknir og m.a. til að geta boðið upp á listanámskeið fyrir börn og unglinga á næsta ári. Hátt í 10 umsóknir, frá Grindavíkurbæ, bókasafninu og tónlistarskólanum, verða sendar inn til menningarráðs vegna hinna ýmsu viðburða sem stefnt er að á næsta ári.

Menningarnefnd lýsir yfir mikilli ánægju þá grósku sem er í menningarmálum Grindvíkinga m.a. sést í auknu tónleikahalda, prjónakvöldunum vinsælu, menningartengdum gönguferðum og síðast en ekki síst með frábærri leiksýningu GRAL-hópsins á leikritinu Horn á höfði.

3. 0909023 - Sagnakvöld

Á síðasta fundi nefndarinnar kom upp sú hugmynd um að halda sagnakvöld um gömul hús í Grindavík. Búið er að kanna með fyrirlesara sem hafa tekið jákvætt í erindið og í ljósi þess tíma sem þarf til undirbúnings telur nefndin rétt að setja svona sagnakvöld á næsta vor í tengslum við menningarviku. Upp kom sú hugmynd að hafa sögutengda göngu í tengslum við þetta verkefnið og leist nefndarmönnum vel á það.

Fleira ekki gert og fundi slitið kl. 17:00.

Rósa Signý Baldursdóttir
Harpa Guðmundsdóttir
Kristín Gísladóttir

• Síðast uppfært: 14. október 2009