Grindvíkingur vikunnar er Páll Leó Jónsson, skólastjóri Grunnskóla Grindavíkur. Þessi stærsti vinnustaður bæjarins hóf starfsemi fyrir skömmu eftir sumarfrí og haustönnin hefur farið vel af stað. Páll Leó er mikill áhugamaður um íþróttir og hvetur fólk til að yfirfara forgangsröðun lífsgilda. Hann svaraði nokkrum laufléttum spurningum.
Nafn? Páll Leó Jónsson.
Fjölskylduhagir? Giftur og á þrjár dætur, Erlu, Grétu og Franzisku.
Starf? Skólastjóri Grunnskóla Grindavíkur.
Uppáhalds-
...maturinn? Soðning með glænýjum kartöflum og....
...drykkurinn? ískaldri mjólk.
...staðurinn? Þingvellir.
...leikarinn? Russel Crowe.
...bókin? Njálssaga.
...íþróttamaðurinn? Franziska dóttir mín.
...liðið? Í úrvalsdeild er það Grindavík.
Ef þú værir einn á eyðieyju í eitt ár. Hvaða fimm hluti tækir þú með þér? Sleppi þessu.
Hvað er best við Grindavík? Grunnskólinn og áhöfn hans og ekki má gleyma golfvellinum.
Þetta er annar veturinn sem skólastjóri, hvernig leggst þetta í þig? Mjög vel. Mál manna er að nemendur og starfsmenn koma ákaflega vel stemmdir til starfa.
Hvernig upplifðir þú starfið í Grindavíkurskóla fyrsta veturinn? Snúið.
Það verða töluverðar breytingar um áramót þegar Hópsskóli byrjar og 1. og 2. bekkur færsta þangað til að byrja með. Hvernig lýst þér á það? Eins og ég sagði á skólasetningu um daginn, breytingar af þessu tagi skapa alltaf ný tækifæri og nýja sóknarmöguleika.
Hver eru þín helstu áhugamál? Knattspyrna, skák og golf.
Eitthvað að lokum? Vona að sem flest okkar yfirfari forgangsröðun lífsgilda og við förum að sinna
enn betur því sem öllu skiptir þ.e. velferð fjölskyldunnar og samferðamanna.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
