Flestir Grindvíkingar vita um Ísólfsskála sem er um 10 km austur af Grindavík. En þar rétt hjá, við Suðurstrandarveg, er Skálakaffi sem verður að teljast einhver krúttlegasta kaffistofa landsins - og er fyrirtæki vikunnar. Þar ræður Stefanía H. Haraldsdóttir ríkjum en hún býr í Sandgerði og þetta er þriðja sumarið sem hún starfrækir Skálakaffi. Fyrstu tvö sumrin var Skálakaffi eingöngu opið um helgar en í sumar hefur verið opið flesta daga.
Heimasíðan heimsótti Stefaníu um helgina. Hún keyrir ekki á hverjum degi frá Sandgerði því hún býr sjálf í sumarbústað skammt frá Skálakaffi. Stefaníu er ýmislegt til lista lagt því hún er jafnframt listakona og í Skálakaffi er að finna úrval listmuna til sölu.
,,Þetta er svona reitingur, það fer eftir umferðinni á Suðurstrandarvegi," svarar Stefanía aðspurð um hversu mikið er að gera hjá henni. Til þess að laða ferðamenn að er hún með nokkuð af dýrum við Skálakaffi sem börn sækja mikið í, þar á meðal hvolpa, kanínur og endur.
Skálakaffi sést ekki vel frá Suðurstrandarveginum eftir að veginum var breytt töluvert þegar hann var malbikaður fyrir nokkrum misserum. Stefanía hefur hins vegar reynt að vekja athygli á Skálakaffi með skiltum við veginn.
,,Ég sel aðallega kaffi og vöfflur og reyndar ýmislegt annað, svo ég er ég listmuni mína til sölu. Þetta er bara gaman," segir Stefanía. Skálakaffi er ekki stórt en þar er skemmtilegt að setjast niður í fallegu umhverfi og fá sér kaffi og vöfflur.
Grindvíkingar sem aka um Suðurstrandarveginn eru hvattir til að koma þar við. Stefanía segist eiga vona á aukinni umferð þegar búið verður að malbika Suðurstrandarveginn alla leið í Ölfus og verður Skálakaffi eina kaffistofan við veginn.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
1,2 °C
