Fyrirtæki vikunnar er Tækniráð ehf. sem hefur aðsetur að Hafnargötu 4. Fyrirtækið tók til starfa 15. maí á síðasta ári en eigendur þess eru hjónin Hrafn Sigvaldason og Margrét R. Arnardóttir. Fyrirtækið hefur farið vel af stað og þau hjón bera sig vel.
„Við hjónin höfðum áhuga á því að hefja verslunarrekstur í Grindavík og okkur fannst vera tilvalinn tími í að gera það á þessum tíma punkti. Tækniráð er alhliða tækniverslun með farsíma, ljósaperur, sjónvörp og tölvur. Einnig sér Tækniráð líka um að viðhalda og þjónusta netkerfi fyrirtækja hér í Grindavík ásamt því sem það tekur að sér alla almenna tölvuvinnu fyrir einstaklinga í bænum," segir Hrafn sem er menntaður kerfisfræðingur.
Tækniráð hefur komið sér vel fyrir í Hafnargötu 4 en verslunin er skemmtilega upp sett. Að sögn Hrafns hafa viðskiptin blómstrað og gengið vel fyrir sig. Tækniráð er samstarfsaðili Símans hf og þjónustar viðskiptavini hans í Grindavík og hefur tvo menn í vinnu.
„Já, Grindavík er nægjanlega stór markaður," segir Hrafn aðspurður en bendir á að þar skipti auðvitað höfuðmáli að þau fyrirtæki og stofnanir í bænum leiti í einhverjum mæli eftir því að kaupa þjónustuna af heimamönnum.
„Það er ávallt rjúkandi kaffi hjá okkur og um að gera að líta við og skoða hvað við höfum upp á að bjóða," sagði Hrafn að endingu sem hefur reyndar ýmis fleiri járn í eldinum þegar kemur að hönnun á tölvukerfum.
Heimasíða Tækniráðs er www.tir.is
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
