Grindvíkingar vikunnar er þjálfari meistaraflokks karla í knattspyrnu, Luka Lúkas Kostic. Hann þjálfaði Grindavík 1994 og kom því upp í úrvalsdeild í fyrsta skipti og jafnframt í bikarúrslitaleik þetta sama ár. Hann tók við liðinu á ný í lok maí. Hann svaraði nokkrum spurningum sem Grindvíkingur vikunnar.
Nafn? Luka Lúkas Kostic.
Fjölskylduhagir? Bý á Sogaveginum í Reykjavík með grindvískri sambýliskonu Maríu Jónu Samúelsdóttur og 2 köttum, 3 börn (Tamara, Igor, Alexander), 3 barnabörn (Bojan, Pedja, Mia).
Starf? Knattspyrnuþjálfari.
Uppáhalds-
...maturinn? Hangikjöt með öllu tilheyrandi og maturinn hjá tengdó.
...drykkurinn? Vatn og Egils Kristall
...staðurinn? Við Bled vatn í Slóvaníu og nágrenni Mývatns.
...leikarinn? Denzil Washington
...bókin? Gricka Vjestica, júgoslavneskar bækur sem fjalla um tíma jesúíta í Júgoslavíu.
...íþróttamaðurinn? Tiger Woods
...liðið? UMFG að sjálfsögðu og Liverpool
Ef þú værir einn á eyðieyju í eitt ár. Hvaða fimm hluti tækir þú með þér? Golfsett, þyrfti ekki nema viku á eyðieyju til að ná Ingvari Guðjóns í forgjöf :), pott mig hefur alltaf langað til að verða meistarakokkur svo ég verði enn duglegri að elda fyrir elskuna mína þegar heim er komið, i-pod, hatt svo ég brenni ekki á skallanum :)
Hvað er best við Grindavík? Frábært knattspyrnusvæði, skemmtilegt útivistarsvæði og gönguleiðir allt um kring.
Hvernig lýst þér á Grindavíkurliðið? Rosalega vel, margir ungir og efnilegir leikmenn sem hafa alla burði til að ná langt með stuðningi okkar frábæru reynslubolta.
Tekst Grindavík að halda sæti sínu í deildinni? Í mínum huga aldrei spurning, erum á uppleið og ég finn gríðarlega mikinn mun á okkur á milli vikna.
Næsti leikur er í bikarnum gegn Fram á sunnudaginn. Væri ekki gaman að komast langt í bikarnum? Ein skemmtilegasta stund sumarsins er þegar komið er að bikarúrslitaleik, Grindvíkingar þekkja reynsluna af því. Ég skora því á stuðningsmenn til að koma og hjálpa okkur á sunnudaginn. Stuðningur stuðningsmanna skiptir ótrúlega miklu máli.
Eitthvað að lokum? Grindavík sem bær hefur breyst mikið á stuttum tíma, hann hefur stækkað gríðarlega, knattspyrnusvæðið eitt það besta á landinu og frábært að finna samheldnina og kraftinn í öllum. Ótrúlega margir sem vinna óeigingjarnt og frábært sjálboðaliðastarf starf fyrir knattspyrnuna. Svo að sjálfsögðu bara ÁFRAM GRINDAVÍK !!!
Á myndinni eru þjálfarar Grindavíkurliðsins, Luka Lúkas Kostic og Milan Stefán Jankovic aðstoðarþjálfari.
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
