Grindvíkingur vikunnar er Birkir Rafn Jónsson. Hann hefur verið búsettur í Danmörku undanfarin þrjú ár en hefur verið í verknámi hjá Tæknideild Grindavíkurbæjar undanfarnar vikur. Verknámið er hluti af byggingafræðinámi en Birkir verður alls 10 vikur hjá Grindavíkurbæ.
Birkir er sonur Jóns Guðmundssonar og Margrétar Guðmundsdóttur. Hann er í námi við VIA háskólann á Jótlandi í Danmörku og útskrifast sem byggingafræðingur (Constructing Architect ) í janúar á næsta ári. Hann er uppalinn í Grindavík og á fjölskyldu hér og dóttur.
„Í verknáminu hef ég kynnt mér starfsemi Tæknideildar Grindavíkurbæjar, ég fylgist með hvernig þetta virkar og tek að mér verkefni. Þetta hefur verið skemmtilegt og fróðlegt. Starfsemin hefur komið mér á óvart því hér eru meiri umsvif en ég átti von á. Öll vinna hefur aukist í kringum hlutina, sérstaklega pappírsvinnan. En mér lýst vel á þetta og gaman að kynnast starfsemi bæjarins," segir Birkir.
Stefnan var að flytja aftur til Íslands að námi loknu. Hins vegar eru atvinnuhorfur slæmar og Birkir á von á því að vera lengur í Danmörku vegna slæms efnahagsástands á Íslandi, stefnan er að bæta við sig í námi.
„Það er virkilega fínt að vera í Danmörku, sérstklega fyrir barnafólk. Ég held að það sé hollt að prófa að búa í öðru landi ef fólk hefur tækifæri til þess. Það gefur nýja sýn á lífið," segir Birkir.
VIA háskólinn á Jótlandi býður upp á fjölbreytt tækninám, tölvunám og ýmislegt fleira. Birkir mælir eindregið með skólanum en hægt er að fræðast um hann á http://www.viauc.dk/
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
-0,5 °C
