Fundargerð hafnarstjórnar Grindavíkur 30. apríl 2009.
Fundur 388.
Þriðjudaginn 30. apríl 2009 kom hafnarstjórn Grindavíkur saman til fundar að Miðgarði 4 kl. 17:00.
Undirritaðir voru mættir, þetta gerðist:
1. Þekja á Norðurgarð.
Útboð á þekju á Norðurgarð verður auglýst nú um helgina í dagblöðum.
2. Vigtarhús.
Rætt um byggingu vigtarhúss. Ljóst er að útboð mun tefjast eitthvað af tæknilegum orsökum en vonast er til að sú töf verði ekki löng.
3. Bjarni Þór.
Flokkunarskírteini fyrir Bjarna Þór hefur nú loks verið gefið út eftir að settar voru styrkingar undir dráttarkrók og krana. Skipið hefur því fengið fullt haffærisskírteini.
4. Áhættumat og verndaráætlun.
Áhættumat og verndaráætlun fyrir Grindavíkurhöfn hefur nú verið uppfært og endurbætt og Siglingastofnun hefur nú samþykkt bæði áhættumat og verndaráætlun og gefið út skírteini til næstu 5 ára.
Fleira ekki gert og fundi slitið kl 18:15.
Ólafur Sigurpálsson
Guðmundur Sv Ólafsson
Guðmundur Guðmundsson
Hilmar Helgason
Sverrir Vilbergsson