Ekki fer mikið dags daglega fyrir fyrirtæki vikunnar. Dagný Erla Vilbergsdóttir hefur opnað stofuna GERO að Vesturbraut 8 í Grindavík þar sem hún býður upp á hómópatameðferð en hún er lærður hómópati. Margir spyrja sig hvað slík meðferð sé?
Hómópatía er heildræn meðferð. Hver manneskja er meðhöndluð á einstaklingsbundinn hátt og er unnið að því að virkja lækningamátt hennar eigin líkama. Hómópatía er meðferð sem byggist á reglunni um að ,,líkt lækni líkt". Það felur í sér að efni sem framkallar sjúkdómseinkenni í heilbrigðum einstaklingi getur læknað sömu einkenni í sjúkum einstaklingi. Efnin eru mikið þynnt þannig að í raun er ekki lengur talað um þau sem eiginleg efni heldur hvata, útskýrir Dagný Erla.
Meðferð hjá hómópata byggist á viðtölum þar sem einstaklingurinn greinir frá líkamlegu, andlegu og tilfinningalegu ástandi sínu. Þannig er leitast við að kortleggja einstaklinginn til að finna remedíu(r) sem gagnast við að koma jafnvægi á orkukerfi hans. Sjúkdómar myndast þegar orkukerfið er í ójafnvægi en það getur stafað af ýmsum orsökum.
Remedíur eru heiti yfir hvatana eða örefnin sem Hómópatar nota til meðferðar. Þær eru unnar úr jurta-, dýra- og steinaríkinu. Remedíur eru með öllu skaðlausar og valda ekki aukaverkunum.
Dagný Erla nam hómópatíu á árunum 2002 til 2006 við ,,The Homeopathy College" sem staðsettur er í Birmingham á Englandi, en þeir sinna kennslu á Íslandi.
Dagný Erla hefur einnig lokið B.Ed. kennaramenntun frá Kennaraháskóla Íslands og námi í Náms- og starfsráðgjöf við Háskóla Íslands. Hún hefur sinnt kennslu í Vestmannaeyjum, Stykkishólmi og Grindavík og starfaði sem náms- og starfsráðgjafi við Menntaskólann við Hamrahlíð og í Grindavík.
Dagný Erla býður upp á hómópatameðferð. Hún vinnur einnig með SCIO mælingar- og meðferðartæki sem er háþróað tæki til að meta ástand hvers og eins og til meðhöndlunar.
Tímapantanir eru í síma 698 2977, netfangið er dagnyerla@simnet.is
Bryndís Gunnlaugsdóttir (B)
Páll Jóhann Pálsson (B)
Þórunn Erlingsdóttir (B)
Guðmundur L. Pálsson (D)
Kristín María Birgisdóttir (G)
Dagbjartur Willardsson (G)
Páll Valur Björnsson (S)
3,5 °C
